"Azərsu" ASC mehdibadlıların suyunu Novxanıdakı məmurların hovuzuna verir? - ŞİKAYƏT
May 29
14:19
2020
""Azərsu" ASC Mehdiabad əhalisinin içməli suyunu kəsib Novxanıda yaşayan məmurların villalarındakı hovuzlara verir".
Bu barədə Qlobal.az-a Mehdiabad sakinləri məlumat verib.
Sakinlərin sözlərinə görə bundan öncə Mehdiabada həftədə iki dəfə - ikinci və beşinci günlər 4-5 saatlıq su verilib. Ancaq son 10 gündə istilər başlayandan sonra həftədə iki dəfə verilən suyun təzyiqi və verilmə saatı azaldılıb. Bundan başqa Mehdiabada daha həftədə 2 dəfə yox, 1 dəfə su verilir.
Sakinlər bildirirlər ki, bu gün su 5 dəqiqə gəlib, kəsilib.
Problemlə əlaqədar "Azərsu" ASC-nin 955, 012 431 47 67 nömrəli qaynar xəttinə edilən zənglər isə cavablandırılmır.
Qlobal.az məsələ ilə bağlı "Azərsu" ASC-dən münasibət öyrənməyə çalışsa da, qurum bizim də telefon zənglərimizə cavab vermədi.
Qlobal.az