SON XƏBƏR

Eldar Əzizovun ağaclara qənim kəsilən işçisi kimdir?

Sentyabr 26
23:58 2019
Son zamanlar Bakının Yasamal rayonu ərazisində yaşıl ağacların kütləvi şəkildə kəsilməsi halları artmaqdadır.

Qlobal.Az xəbər verir ki, bu məsələ ilə bağlı Gununsesi.org-a ilginc məlumat daxil olub.

Həmin məlumata görə, nə qədər qəribə də olsa ağacların məhv edilməsində Bakı Şəhər İcra Hakimiyyəti Yaşıllaşdırma Təsərrüfatı Birliyinin Bitkilərin Mühafizəsi Şöbəsinin müdiri olduğu deyilən Orxan Məmmədovun adı hallanır.

Belə ki, Orxan Məmmədovun bu əməli yol kənarındakı ticarət obyektlərinin sahibləri ilə işbirliyinin nəticəsi kimi qiymətləndirilir.

Maraqlıdır ki, Orxan Məmmədov bu qanunsuzluqlarını edərkən heç kəsdən çəkinmədiyini deyib.

Onun son ağackəsmə əməliyyatı Zahid Xəlilov küçəsində baş verib.

Orxan Məmmədov bağlı daha bir məlumatda onun tabeçiliyində olan işçiləri döyməsi faktları da var.

Belə ki, Orxan Məmmədov Əhliman Alıyev adlı mühəndisi insanların gözü qarşısında döyərək, ona ağır bədən xəsarətləri yetirib.

Bu hadisə ilə bağlı 16-cı polis bölməsində araşdırma aparılır.

Açıqlamasında Əhliman Alıyev hadisəni təsdiq edib. Bununla belə o deyib ki, polis bölməsi xəsarətlərinə baxmayaraq, hadisəni araşdırmaqda süründürməçiliyə yol verir: "Ona görə də mən prokurorluğa şikayət edəcəm. Məni o qədər insanların qarşısında döyərək xəsarət yetirib.

Gununsesi.org Orxan Məmmədovun məhv etdiyi ağacların fotolarını da əldə edib.
 
Qlobal.az
 

 

 





Oxşar xəbərlər

XƏBƏR LENTİ

Facebook