SON XƏBƏR

Qətlə yetirilən jurnalistin oğlundan inanılmaz açıqlama

Oktyabr 01
09:50 2019
Ötən il qətlə yetirilən səudiyyəli jurnalist Camal Qaşıqçının oğlu Salah Qaşıqçı atasının qətliylə bağlı cinayət işinin açılmasında Səudiyyə Ərəbistanının məhkəmə sisteminə etibar etdiyini deyib.

Qaynarinfo xəbər verir ki, keçən il Səudiyyə Ərəbistanının İstanbuldakı Baş Konsulluğunda öldürülən Səudiyyə jurnalisti Camal Qaşıqçının oğlu "Tvitter”dəki açıqlamasında bildirib. 

O öz tvitində bunları qeyd edib: "Sevimli atamı itirməyizindən bir il ötdü. Bundan əvvəl də dediyim kimi, Səudiyyə Ərəbistanı məhkəməsinin ədaləti bərqərar edəcəyinə və bu qorxunc cinayəti işləyənlərin cəzalandırılacağına inamım sonsuzdur. Mən də atam kimi vətənə və onun rəhbərlərinə sadiq qalacağam”. 

Xatırladaq ki, səudiyyəli jurnalist Qaşıqçı 2 oktyabr 2018-ci ildə evlənmək üçün getdiyi Səudiyyə Ərəbistanının İstanbuldakı Baş Konsulluğunda öldürülüb. 
BMT-nin İnsan Hüquqları üzrə Ali Komissarlığının (OHCHR) iyun ayında yayımladığı 101 səhifəlik hesabatda Səudiyyə Ərəbistanını Camal Qaşıqçının qəsdən öldürməkdə ittiham edib.



Oxşar xəbərlər

XƏBƏR LENTİ

Facebook