20 yaşlı “Tender Canavarı” rəqib tanımır – “Sinam”ı kim himayə edir? (FOTO)

SON XƏBƏR

Şərurlu İsfəndiyarın şirkətinə qarşı daha bir iddiaTikinti maqnatı kimi tanınan iş adamı İsfədiyar Axundova (Şərurlu İsfəndiyar) məxsus "Şərur" Mənzil-Tikinti Kooperativi (MTK) məhkəməyə verilib. Qaynarinfo-nun məlumatına görə, iddiaçı Vəliye..
Mehmet Şahan Bakıda 13 il həbs cəzası ala bilər - 8,8 milyonluq qalmaqalBakıda 8 milyon manatdan çox mənimsəmədə təqsirləndirilən türkiyəli şirkət rəhbəri Mehmet Şahanın cinayət işi üzrə məhkəmə prosesi davam edib. "Report" xəbər verir ki, Bakı Ağır Cinayətlər Məhkəməs..
Azərbaycan Ordusunun qırıcıları şərti hava kəşfiyyatı apardı (VİDEO)Cari ilin hazırlıq planına əsasən, Azərbaycan Hərbi Hava Qüvvələrinin (HHQ) aviasiya vasitələri təlim-məşq uçuşlarını icra ediblər. Bu barədə Müdafiə Nazirliyinin (MN) Mətbuat xidmətindən məlumat v..
Prezident bələdiyyələrin birləşməsi haqqında qanunu təsdiqlədiAzərbaycan Prezidenti İlham Əliyev bələdiyyələrin birləşməsi yolu ilə yeni bələdiyyələrin yaradılması haqqında qanunu təsdiq edib. Sənəddə deyilir: "Bələdiyyələrin birgə fəaliyyəti, birləşməsi, ..
Şəhid övladlarının xaricdə təhsilinə maliyyə ayrılacaq - RƏSMİŞəhid övladlarının xaricdə təhsilinə maliyyə ayrılacaq. Bunu Milli Məclisin bu gün keçirilən plenar iclasında maliyyə naziri Samir Şərifov bildirib. O qeyd edib ki, gələn il bu məqsədlə büdcədən..
"Putin Ukrayna ilə bağlı sülh prosesinə hazır olduğunu dəfələrlə təsdiqləyib" - PeskovRusiya Prezidenti Vladimir Putin Ukrayna ilə bağlı sülh prosesinə hazır olduğunu dəfələrlə təsdiqləyib. "Report” TASS-a istinadən xəbər verir ki, bunu Kremlin mətbuat katibi Dmitri Peskov d..
Ruslar daha iki kəndi işğal edibRusiya işğalçı qüvvələri Ukrayna Silahlı Qüvvələrinin mövqelərinə təzyiq göstərməkdə və irəliləməkdə davam edir. "AzPolitika” xəbər verir ki, Ukrayna Müdafiə Nazirliyinə yaxın "DeepState” por..
"Meşə təsərrüfatına dəyən zərərin və itkilərin ödənilməsi Qaydası”nda dəyişiklik edilib"Meşə təsərrüfatına dəyən zərərin və itkilərin ödənilməsi Qaydası”nda dəyişiklik edilib. APA xəbər verir ki, bununla bağlı Baş nazir Əli Əsədov qərar imzalayıb. Qərara əsasən, meşə fondu t..
Azərbaycanda 2 min manatdan çox əmək haqqı alanlar bu sahələrdə işləyirBu ilin ilk 9 ayında Azərbaycanda muzdla çalışan işçilər arasında ən yüksək əmək haqqını xam neft və təbii qaz hasilatı sahəsinə işləyənlər alır. Yeniavaz.com açıqlanan rəsmi məlumatlara istinadən ..
"Parlamentin iclası qeyri-konstusiondur" - ZurabişviliGürcüstan Prezidenti Salome Zurabişvili Gürcüstanın 11-ci çağırış parlamentinin bu gün keçiriləcək ilk iclasının qeyri-konstusion olduğunu bəyan edib. APA-nın Tbilisi müxbiri xəbər verir ki, Zur..

20 yaşlı “Tender Canavarı” rəqib tanımır – “Sinam”ı kim himayə edir? (FOTO)

Yanvar 22

22:49 2021

Gəncə Dövlət Universiteti bu gün "Sinam” MMC ilə satınalma müqaviləsi bağlayıb.

Qaynarinfo xəbər verir ki, 47 min 613 manat məbləğində olan müqaviləyə əsasən universitetin insan resursları, maliyyə və mühasibatlıq əməliyyatlarının avtomatlaşdırılması üzrə proqram təminatı (SERP) qurulacaq.

Qeyd edək ki, şirkət dünən, yəni 21 yanvarda "Aqroservis” ASC ilə 99390.22 AZN məbləğində elektron avadanlıqların satınalınması müqaləsi imzalayıb.

Qaynarinfo-nun araşdırmaları zamanı məlum olub ki, "Sinam” MMC təkcə 13.03.2019 tarixindən indiyə kimi 85 satınalma müqaviləsi bağlayıb. 20 yaşlı şirkətlə ən böyük müqaviləni isə Azərbaycan Mərkəzi Bankı imzalayıb. AMB istismarda olan Elektron Sənəd Dövriyyəsi Sisteminin təkmilləşdirilməsinə görə bu İT şirkətinə 849,9 min manatlıq vəsait ödəyib.

"Sinam” sanki bazarda İT sahəsi üzrə bu dövlət qurumlarının ən çox etibar etdiyi MMC kimi görünür.

MMC ilə bağlı yayılan məlumatlara görə, Azərbaycanda proqram təminatı və sistem inteqrasiyası yığılması üzrə ən böyük şirkətdir. Şirkət bundan başqa "Kür” markalı kompüterlərin istehsalçısıdır. "Sinam”ın mərkəzi qərargahı Bakı şəhərində yerləşir. Şirkətin əsasını qoyan və hal-hazırki rəhbəri Elçin Əliyevdir.

MMC-nin dövlət satınalmalarında "rəqibsiz” olması ilə bağlı şikayətlər də var. Məsələn, "Neuron Technologies” MMC-nin prezidenti İsmayıl Ələkbərov mediaya verdiyi açıqlamaların birində "Sinam”ı korrupsiyada ittiham etmişdi:

"Azərbaycanda SERP proqram təminatına illik texniki dəstək adı altında korrupsiya oyunları davam edir. Dövlət qurumları bu xidmətlər üçün satınalmalar həyata keçirir. Bu satınalmalarda ancaq "Sinam” şirkəti udur. Sual edirəm: bu şirkətdən başqa İT şirkəti yoxdurmu ölkədə?”

Sahibkar iddia etmişdi ki, SERP adlandırılan proqram təminatı (PT) dövlət sifarişi əsasında neçə illər bundan əvvəl "Sinam” şirkəti tərəfindən hazırlanıb və Maliyyə Nazirliyinə təhvil verilib: "Bu sistem keçib dövlətin balansına. Sistem Azərbaycan dövlətinin qeyri-maddi aktivi olduğundan, onun mənbə kodları da dövlətə təhvil verilməli idi. Lakin "Sinam” qanunsuz olaraq bu PT-nın kodlarını özündə saxlayır. PT Maliyyə Nazirliyinin data mərkəzində quraşdırılıb və büdcə və digər dövlət təşkilatlarının mühasibatlıqları üçün əlçatandır”.

"Neuron Technologies”in rəhbəri dəfələrlə dövlət və hüquq-mühafizə orqanlarına müraciət etdiyini, lakin dövlət satınalması adı altında korrupsiyanın qarşısının alınması üçün heç bir tədbir görülmədiyini bildirmişdi.

İsmayıl Ələkbərov öz şirkətinin nümunəsində də korrupsiya sövdələşməsinin detalarını açıqlamışdı: "Əslində büdcə təşkilatlarının keçirdiyi SERP kotirovkalarında ixtisas göstəriciləri uyğun gələn istənilən İT şirkəti iştirak edə bilər. Kotirovkada qalib olacağı təqdirdə, həmin büdcə təşkilatı müraciət edib Maliyyə Nazirliyindən mənbə kodlarını alıb, konfidensiallıq sazişi əsasında həmin qalib şirkətə ötürməlidir. Ancaq "Sinam” buna imkan vermir. Kodları qeyri-qanuni olaraq özündə saxlayıb. Rəhbərlik etdiyim "Neuron Technologies” şirkəti ötən illərdə bir neçə dəfə SERP kotirovkalarında qalib olsa da, dövlət təşkilatları kodları Maliyyə Nazirliyindən alıb bizə təqdim edə bilmədiyindən, həmin kotirovkalar ləğv olunurdu”.

Qlobal.az