38 minlik müəmma: Agentlik "müqavilə bağlanılıb", Rəsədxana "pulu büdcəyə qaytarmışıq" deyir

SON XƏBƏR

Prezident bu mərkəzləri ləğv etdi (SƏRƏNCAM)Prezident İlham Əliyev Azərbaycan Dövlət Tərcümə Mərkəzinin və Azərbaycan Respublikasının Dövlət Dil Komissiyası yanında Monitorinq Mərkəzinin ləğv edilməsi haqqında Sərəncam imzalayıb. Sərəncamda ..
Əli Əsədov bu qaydaya dəyişiklik etdi"Dövlət sərhədini pozan hava gəmilərinə və uçuş aparatlarına qarşı hava hücumundan müdafiə qoşunlarının növbətçi qüvvə və döyüş texnikasının tətbiq edilməsi Qaydaları"nda dəyişiklik edilib. Bu barə..
Azərbaycan-Pakistan hərbi əməkdaşlığının genişləndirilməsi müzakirə olunubPakistan İslam Respublikasında səfərdə olan Azərbaycan Ordusunun Baş Qərargah rəisi general-polkovnik Kərim Vəliyev Kəraçi şəhərində bu ölkənin Silahlı Qüvvələrinin Quru Qoşunları komandanı general As..
Komitə sədri pensiyaların nə qədər artacağını açıqladıDövlət Sosial Müdafiə Fondunun xərclərindən danışarkən qeyd etmək lazımdır ki, fondun gələn ilə proqnozlaşdırılan ümumi xərclərinin 96,52%-ni və ya 7 milyard 408 milyon manatını əhaliyə ödənişlər təşk..
Heydər Əliyev Sarayında “Nəsimi” operasının premyerası keçirildiNoyabrın 20-də Heydər əliyev Sarayında Mədəniyyət Nazirliyinin dəstəyi ilə Azərbaycan Dövlət Akademik Opera ve Bale Tiyatrosu'nun təqdimatında dahi Azərbaycan şairi ve mütəfəkkiri İmadəddin Nəsiminin ..
Azərbaycan futbolunda bir oyunda 20 qol vuruldu1-сi Liqanın 8-ci turunun hazırlığını davam etdirən "Qəbələ” yoxlama oyunu keçirib. Qaynarinfo əbər verir ki, "qırmızı-qaralar” Ağcabədinin "Olimpiya” komandası ilə üz-üzə gəlib. Region Liqası t..
Şotlandiya parlamentindən COP29-un sülh çağırışına və Azərbaycanın təşəbbüslərinə dəstəkŞotlandiya Parlamentində "COP29-un sülh quruculuğu səyləri və COP Atəşkəs təşəbbüsü" adlı qətnamə irəli sürülüb. "Report” xəbər verir ki, parlamentin rəsmi internet səhifəsində yerləşdirilən qətnam..
"BMT Təhlükəsizlik Şurasının üzvləri arasında konsensus çatışmazlığı var" - DüjarrikBMT Təhlükəsizlik Şurasının üzvləri arasında konsensus çatışmazlığı var. "Report” xəbər verir ki, bunu BMT Baş katibinin rəsmi nümayəndəsi Stefan Düjarrik Qəzza zolağında atəşkəsin dayandır..
Valideynlərin nəzərinə: Uşaqlar arasında təhlükəli virus yayılıbUşaqlar arasında təhlükəli virus yayılıb. Xezerxeber.az-ın məlumatına görə, əsasən 5-15 yaş aralığında uşaqların çox yoluxduğu virus qripə oxşar simptomlarla müşayət olunduğundan valideynlər arasın..
BMT Baş katibi Azərbaycana səfərə gəldiBirləşmiş Millətlər Təşkilatının Baş katibi Antonio Quterreş noyabrın 21-də BMT-nin İqlim Dəyişikliyi üzrə çərçivə Konvensiyasının Tərəflər Konfransının 29-cu sessiyasında (COP29) iştirak etmək məqsəd..

38 minlik müəmma: Agentlik "müqavilə bağlanılıb", Rəsədxana "pulu büdcəyə qaytarmışıq" deyir

Yanvar 23

01:07 2024

Şamaxı Astrofizika Rəsədxanasının bir ay əvvəl ümumi məbləği 38.762 manat təşkil edən satınalma keçirib.

Qlobal.az xəbər verir ki, Rəsədxana 2023-cü ilin dekabr ayının 7-də "Tikili və avadanlıqların (Rəsədxananın elmi və yaşayış sektoruna xidmət edən qazanxanalarının avadanlıqlarının cari təmiri) cari təmiri işlərinin satın alınması" lotu üzrə satınalmaya yekun vurub.

Bu satınalmanın məbləği 16.956 manat, qalibi isə "Archımed" Məhdud Məsuliyyətli Cəmiyyəti olub.

Bu satınalmadan bir həftə sonra - 2023-cü ilin dekabr ayının 15-də Astrofizika Rəsədxanası daha bir satınalmaya yekun vurub.

"Tikili və avadanlıqların cari təmiri (Rəsədxananın 60 sm-lik teleskopunun, AFR 2 xromosfer -fotosfer teleskopunun və Üfuqi günəş teleskopunun günbəzlərinin cari təmiri işlərinin) satın alınması" lotu üzrə keçirilən bu satınalmanın məbləği 21.806 manat, qalibi isə sifarişçi təşkilata yad olmayan "Archımed" Məhdud Məsuliyyətli Cəmiyyəti olub.

"Archımed" Məhdud Məsuliyyətli Cəmiyyəti 2017-ci ilin may ayının 22-də dövlət qeydiyyatına alınıb.

Şirkətin hüquqi ünvanı Xətai rayonu, Mehmandarov küçəsi ev 106, mənzil 1 ünvanı, qanuni təmsilçisi isə Mirzəyev Tacir Seyidağa oğludur.

Rəsədxananın tikili və avadanlıqlarında təmir işləri aparacaq "Archımed" MMC-nin maddi-texniki bazası, müvafiq lisenziyaları, fəaliyyət profili, işçi qüvvəsi və faktiki ünvanı barədə açıq internet resurslarında məlumat yoxdur.

Şamaxı Astrofizika Rəsədxanasının 38.762 manat maliyyə dəyəri olan satınalmalarında qalib elan edilən "Archimed" MMC-nin adı bir sıra qanun pozuntularında hallanır.

2022-ci ilin dekabr ayının 23-də İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti dövlət satınalmalarında ciddi qanun pozuntusu ilə əlaqədar Baş Prokurorluğa müraciət edib.

Dövlət Xidmətinin Baş Prokurorluğa etdiyi müraciətdə bir neçə təşkilatın tenderlərdə iştirak etmək üçün dövlət sənədlərini saxtalaşdırdığı vurğulanır. Bu siyahıda "Archimed" Məhdud Məsuliyyətli Cəmiyyətinin də adı keçir.

Qlobal.az məsələ ilə bağlı Şamaxı Astrofizika Rəsədxanasından mövqe öyrənib. Rəsədxanadan verilən açıqlamada deyilir:

"Qeyd etmək istəyirik ki, ötən ilin sonlarında Nəsirəddin Tusi adına Şamaxı Astrofizika Rəsədxanasının (ŞAR) "Tikili və avadanlıqların cari təmiri" üçün satınalma lotu üzrə heç bir şirkətlə, o cümlədən "Archimed" Məhdud Məsuliyyətli Cəmiyyəti (MMC) ilə əməkdaşlıq müqaviləsi imzalanmamışdır və təmir üçün nəzərdə tutulan məbləğ dövlət büdcəsinə geri qaytarılmışdır".

Qlobal.az Şamaxı Astrofizika Rəsədxanasında 2022-2023-cü illər üzrə fəaliyyətində audit aparılıb-aparılmaması barədə Hesablama Palatasında mövqe öyrənib. Hesablama Palatasının açıqlamasında deyilir: "Azərbaycan Respublikasının Hesablama Palatası tərəfindən 2022-2023-cü illərdə Şamaxı Astrofizika Rəsədxanasında audit aparılmamışdır".

Qeyd edək ki, Şamaxı Astrofizika Rəsədxanası Prezident İlham Əliyevin 2022-ci ilin iyul ayının 28-də imzaladığı Fərmanla Milli Elmlər Akademiyasının tabeliyindən alınaraq Elm və Təhsil Nazirliyinin tabeliyinə verilib.