Aİ-95 markalı benzin ucuzlaşdı
![](https://qlobal.az/photo/680x365/2024-07/1721014548_17197649795393815957_1200x630.jpg?1725756319)
İyul 15
07:35
2024
Bu gündən etibarən "Avro-5" keyfiyyət göstəricilərinə uyğun olaraq istehsal olunan Aİ-95 markalı avtomobil benzininin 1 litrinin qiyməti 40 qəpik azalaraq 1.60 manat olub.
Bu barədə SOCAR tərəfindən məlumat yayılıb.
Bununla da, 2014-cü ildən hazırkı vaxtadək xaricdən idxal etdiyimiz Aİ-95 markalı avtomobil benzini bu gündən daxili istehsal hesabına təmin edilərək satılacaq.
SOCAR-ın Heydər Əliyev adına neft emalı zavodunda "Avro-5" standartına cavab verən Aİ-95 markalı avtomobil benzini istehsalına başlanılıb.
Bildirilib ki, SOCAR-ın emal kompleksində istehsal olunan məhsulları "Avro-5" standartlarına çatdırmaq məqsədilə Heydər Əliyev adına neft emalı zavodunda (NEZ) aparılan yenidənqurma və modernizasiya işlərinin ilkin mərhələsi üzrə işlər tamamlanıb.
Layihənin dizel və benzin istehsalı qurğularının inşası üzrə işlər yekunlaşıb, bir sıra ümumzavod təsərrüfatı qurğuları, texnoloji qurğular istismara verilib. Görülmüş işlər nəticəsində NEZ-də istehsal olunan Aİ-92 və Aİ-95 markalı avtomobil benzinləri artıq "Avro-5" standartlarına çatdırılıb.