AMEA işçisinin Müşfiq Abbasova 145 min dollara satdığı mülklə bağlı mübahisə yaranıb
Noyabr 20
11:18
2019
"Bu Şəhərdə”nin ssenaristi Müşviq Abbasovun evinin əlindən alınması ilə bağlı məhkəmə çəkişməsi davam etdirilir.
"Report”un xəbərinə görə, bu barədə M.Abbasovun özü sosial şəbəkədə məlumat yayıb.
O bildirib ki, Taleh Həsənov 2006-cı ildə öz baldızı qızı, fəlsəfə elmləri doktoru, Nəsimi adına Dilçilik İnstitutunun əməkdaşı Gülrux Həsənovanın adına "Təməl-N” MTK-dan ev alıb: "Hadisədən 3 il sonra Taleh Həsənov dünyasını dəyişib. Taleh Həsənov özü o evə gəlib-getsə də, onun həyat yoldaşı Mehriban Həsənova heç vaxt orda olmayıb, yaşamayıb və onun adınada heç vaxt heç bir sənəd olmayıb. Lakin Mehriban Həsənova ərinin qırxı çıxmamış bacısı qızının adına olan evə iddialı olduğunu bildirib”.
M.Abbasov qeyd edib ki, 2013-cü ildə G.Həsənovadan həmin evi 145 min dollara alıb: "Evin də "kupçası” saxta imiş və saxta çıxarışa əsasən də mənə çıxarış verilib. Hətta bu belə olduğu halda mənim nə günahım var? Axı bu alqı-satqını 5 saylı dövlət notariusu təsdiqləyib və sonra Əmlak Məsələləri Dövlət Komitəsi (ƏMDK) ona əsasən mənə çıxarış verib”.
Ssenaristin sözlərinə görə, 6 ildən sonra Bakı Apellyasiya Məhkəməsinin hakimi Xəyalə Cəmilova onun evinin əlindən alınması ilə bağlı qərar çıxarıb.
M.Abbasov deyib ki, məhkəmə qərarından kassasiya şikayəti verib. Şikayətə noyabrın 25-də Ali Məhkəmədə hakim Elşanə Vəliyevanın sədrliyi ilə baxılacaq.
Qeyd edək ki, bu iş üzrə M.Həsənova G.Həsənovanı, ƏMDK yanında DƏDRX-nin Bakı Ərazi İdarəsini məhkəməyə verib. Üçüncü şəxs qismində isə "Təməl-N” MTK göstərilib. Yasamal Rayon Məhkəməsinə müraciət edən M.Həsənova alqı-satqı müqaviləsinin etibarsız hesab edilməsi, çıxarışın ləğvi, mülkiyyət hüquqlarının bərpa edilməsi, mənzilin boşaldılması və iddiaçıya təhvil verilməsi barədə tələb irəli sürüb. Məhkəmə iddianı rədd edib. Həmin qərardan narazı qalan M.Həsənova apellyasiya şikayəti verib. Bakı Apellyasiya Məhkəməsinin qərarına əsasən, qətnamə ləğv edilib, iddia təmin olunub.
"Report”un xəbərinə görə, bu barədə M.Abbasovun özü sosial şəbəkədə məlumat yayıb.
O bildirib ki, Taleh Həsənov 2006-cı ildə öz baldızı qızı, fəlsəfə elmləri doktoru, Nəsimi adına Dilçilik İnstitutunun əməkdaşı Gülrux Həsənovanın adına "Təməl-N” MTK-dan ev alıb: "Hadisədən 3 il sonra Taleh Həsənov dünyasını dəyişib. Taleh Həsənov özü o evə gəlib-getsə də, onun həyat yoldaşı Mehriban Həsənova heç vaxt orda olmayıb, yaşamayıb və onun adınada heç vaxt heç bir sənəd olmayıb. Lakin Mehriban Həsənova ərinin qırxı çıxmamış bacısı qızının adına olan evə iddialı olduğunu bildirib”.
M.Abbasov qeyd edib ki, 2013-cü ildə G.Həsənovadan həmin evi 145 min dollara alıb: "Evin də "kupçası” saxta imiş və saxta çıxarışa əsasən də mənə çıxarış verilib. Hətta bu belə olduğu halda mənim nə günahım var? Axı bu alqı-satqını 5 saylı dövlət notariusu təsdiqləyib və sonra Əmlak Məsələləri Dövlət Komitəsi (ƏMDK) ona əsasən mənə çıxarış verib”.
Ssenaristin sözlərinə görə, 6 ildən sonra Bakı Apellyasiya Məhkəməsinin hakimi Xəyalə Cəmilova onun evinin əlindən alınması ilə bağlı qərar çıxarıb.
M.Abbasov deyib ki, məhkəmə qərarından kassasiya şikayəti verib. Şikayətə noyabrın 25-də Ali Məhkəmədə hakim Elşanə Vəliyevanın sədrliyi ilə baxılacaq.
Qeyd edək ki, bu iş üzrə M.Həsənova G.Həsənovanı, ƏMDK yanında DƏDRX-nin Bakı Ərazi İdarəsini məhkəməyə verib. Üçüncü şəxs qismində isə "Təməl-N” MTK göstərilib. Yasamal Rayon Məhkəməsinə müraciət edən M.Həsənova alqı-satqı müqaviləsinin etibarsız hesab edilməsi, çıxarışın ləğvi, mülkiyyət hüquqlarının bərpa edilməsi, mənzilin boşaldılması və iddiaçıya təhvil verilməsi barədə tələb irəli sürüb. Məhkəmə iddianı rədd edib. Həmin qərardan narazı qalan M.Həsənova apellyasiya şikayəti verib. Bakı Apellyasiya Məhkəməsinin qərarına əsasən, qətnamə ləğv edilib, iddia təmin olunub.
