Aqibət Məmmədov və yerli məmurların tender oyunları – Gəncədə milyonlar necə “yeyilir”?
May 27
21:58
2021
Gəncə Şəhər Mənzil-Kommunal Təsərrüfatı İstehsalat Birliyi "Gəncə Körpü Tikinti-2” Açıq Səhmdar Cəmiyyəti (ASC) ilə 3 971 349.16 AZN dəyərində müqavilə imzalayıb.
HİT.Az xəbər verir ki, müqavilədə Gəncə şəhərində yolların təmir işlərinin satın alınması nəzərdə tutulur.
İqtisadiyyat Nazirliyi yanından Dövlət Vergi Xidmətinin reyestr məlumatlarına görə, "Gəncə Körpü Tikinti-2” ASC 11 iyul 2007-ci ildə qeydiyyata alınıb. Nizamnamə kapitalı 143 104 AZN olan şirkətin hüquqi ünvanı Bakı şəhəri Nəsimi rayonu, Süleyman Rüstəm küçəsi, ev 47-də yerləşir. ASC-nin qanuni təmsilçisi Rzayev Süleyman Qəmbər oğludur.
Süleyman Rzayev inşaat sahəsində səmərəli fəaliyyətlərinə görə 2012-ci ildə "Tərəqqi” medalı ilə təltif olunub.
Məhkəməsi Süleyman Rzayevin sözügedən banka qarşı "pulun geri qaytarılması” iddiasını təmin edib.
Beynəlxalq Bank apelyasiya şikayəti versə də, birinci instansiyasının çıxardığı qətnamə dəyişdirilmədən saxlanılıb.
Araşdırmalarımız zamanı o da məlum olub ki, Süleyman Rzayev "Gəncə Körpü Tikinti-2” ASC-nin qanuni təmsilçisi olsa da, sahibi deyil. ASC-nin sahibi iş adamı Aqibət Məmmədovdur. O, şirkətin Direktorlar Şurasının sədri kimi təqdim edilib.
Aqibət Məmmədov oliqarx kimi tanınır. O, ötən il oğlunun avtomobil kolleksiyası ilə gündəmə gəlmişdi. Məlumatlarda bildirilirdi ki, Aqibət Məmmədovun oğlu Rəşad Məmmədovun avtomobil parkında bahalı maşınlar yer alır. Onun vaxtaşırı avtomobil parkını yenilədiyi iddia olunur.
Ehtimal olunur ki, Gəncənin yerli qurumlarının "Gəncə Körpü Tikinti-2” ASC ilə əməkdaşlığının kökündə Aqibət Məmmədovun yerli məmurlarla yaxınlığı dayanır.
"Gənc Körpü Tikinti-2” ASC ilə bağlı maraqlı faktlardan biri də Məhərrəm Məmmədov adlı vətəndaşın şirkəti məhkəməyə verməsidir.
Vətəndaş mediaya açıqlamasında bildirib ki, o, 5 saylı Körpü Tikinti İdarəsində sürücü kimi işləyirmiş. 1992-ci ildə Gədəbəy rayon İcra Hakimiyyəti başçısının sərəncamı ilə Milli Ordunun Gədəbəy bölməsinə silah-sursat gətirmək üçün Ağdam şəhərinə göndərilib. Geri qayıdarkən Gədəbəy rayonunda avtomobil qəzasına düşüb. Qəza nəticəsində xəstəxanaya yerləşdirilən Məmmədova sol ayağının üçdə bir və hər iki diz qapağının qapalı sınığı diaqnozu qoyulub. Bundan sonra ona 3-cü qrup əlillik dərəcəsi verilib.
Şikayətçi Məmmədov 2012-ci ildə Gəncə -Kəpəz rayon Məhkəməsində iddia qaldırır. O, "Gəncə Körpü Tikinti -2” Açıq Səhmdar Cəmiyyətindən 75.600 manatlıq aylıq ödəniş, 25.200 manatlıq birdəfəlik ödəniş, 5 min manat maddi ziyan, 5 min manat məbləğində mənəvi ziyanın ödənilməsini istəyib.
Məhkəmə müddəti keçdiyi üçün iddianı təmin etmədiyini açıqlayır. Son olaraq Ali Məhkəmə də eyni qərarı çıxarır.
Məhərrəm Məmmədov 19 il ərzində bu işlə bağlı dövlət qurumlarına çoxsaylı şikayətlər ünvanlayıb.
Vətəndaşın sözlərinə görə, onun şikayət məktublarının ümumi çəkisi 100 kiloqramdır.
Qlobal.az
