Belarus Azərbaycanda aqrar-sənaye kompleksi tikəcək
Noyabr 17
10:27
2016
Bu gün Belarus respublikası baş nazirinin müavinləri Mixail Rusıy və Vladimir Semaşko bu ölkədə işgüzar səfərdə olan Gəncə şəhər İcra Hakimiyyətinin başçısı
Elmar Vəliyevin rəhbərlik etdiyi nümayəndə heyətini qəbul ediblər.
Məlumata görə, görüş zamanı Gəncə şəhərində aqrar-sənaye kompleksinin inşa olunması üçün birgə işçi qrupu yaradılıb.
Elmar Vəliyev ölkəmizdə bir çox sahələrlə yanaşı, kənd təsərrüfatı sahəsində həyata keçirilən qlobal islahatlardan danışıb.
Azərbaycanla istənilən işbirliyinə hazır olduqlarını diqqətə çatdıran baş nazirin müavini Mixail Rusıy Gəncə şəhərində modern aqrar-sənaye kompleksinin tikintisinə belaruslu mütəxəssislər tərəfindən istənilən elmi və texniki yardımın göstəriləcəyini vurğulayıb.
Sonra nümayəndə heyəti Belarusun baş nazirinin müavini Vladimir Semaşko ilə görüşüblər.
Qlobal.az
