Beynəlxalq birlik sülhə gəlmək üçün Ermənistana təzyiq etməlidir

SON XƏBƏR

Gürcüstan Prezidenti Tbilisidə parlament binası qarşısında aksiyaçılara qoşulubGürcüstan Prezidenti Salome Zurabişvili paytaxt Tbilisidə parlament binası qarşısında nümayişçilərə qoşulub. Bu barədə "Report" yerli mətbuata istinadən xəbər verir. "Mən bu xalqla bir..
“Qarabağ müharibəsində Ermənistana qarşı heç bir xarici təcavüz olmamışdı” - Putin"KTMT Qarabağda Ermənistanın tərəfində vuruşmamalı idi, çünki bu ölkəyə qarşı heç bir xarici təcavüz olmamışdı” "Qafqazinfo” xəbər verir ki, bu sözləri Rusiya Prezidenti Vladimir Putin Astanada keç..
"Qarabağ" "Lion"a uduzdu"Qarabağ” UEFA Avropa Liqasının Liqa mərhələsində Fransa təmsilçisi "Lion”a məğlub olub. Qaynarinfo xəbər verir ki, Ağdam təmsilçisi V turun oyununda 1:4 hesabı ilə uduzub. Tofiq Bəhramov ..
"Topxana Layihə İnşaat" şirkəti etibarsız təchizatçı elan edildi"Tender kralı" kimi tanınan "Topxana Layihə İnşaat" şirkəti öhdəliklərini yerinə yetirməyib. Qaynarinfo-nun məlumatına görə, şirkət cari ilin noyabrın 16-dan etibarsız təchizatçı elan edilib...
Alış-veriş çılğınlığı: "Qara cümə" termini harada və necə yaranıb?"Qara cüma" ABŞ və Kanadada Şükran Günü (hasat və keçmiş ilin nemətləri üçün təşəkkür edilən milli bayram) sonrasında qeyd olunan gün olaraq tanınır. Lakin bu gün artıq yalnız Şimali Amerikada deyil, ..
Sudeyf İmamverdiyev məhkəməyə verildiMilli Məclisin II çağırış deputatı Sudeyf İmamverdiyev məhkəməyə verilib. Qaynarinfo Modern.az-a istinadən xəbər verir ki, sabiq deputat barədə Cinayət Məcəlləsinin 147-ci (böhtan) maddəsi ilə məhk..
"Milla" hansı qanunu pozub? - Cərimə olunur"Milla" markası kimi tanınan "Milla Dairy" Məhdud Məsuliyyətli Cəmiyyəti (MMC) inzibati məsuliyyətə cəlb edib. Qaynarinfo-nun məlumatına görə, şirkətə qarşı Mərkəzi Bank tərəfindən İnzibati X..
Komitə sədri: “Heç bir ölkənin gündəmində pensiya yaşının azaldılması məsələsi yoxdur”Heç bir ölkənin gündəmində pensiya yaşının azaldılma məsələsi yoxdur. Milli Məclisin Əmək və sosial siyasət komitəsinin sədri Musa Quliyev parlamentdə çıxışı zamanı belə deyib (bunker.az). ..
İranla Avropa “üçlüyü” arasında görüşün gündəliyi açıqlanıbİranla Avropa "üçlüyü” ölkələri arasında görüşdə müzakirə olunacaq məsələlər açıqlanıb. "Report” "Tasnim”ə istinadən xəbər verir ki, bu barədə İran Xarici İşlər Nazirliyinin sözçüsü İsmayıl B..
Prezident və ailə üzvləri Mərkəzi Nəbatat Bağının açılışındaAzərbaycan Prezidenti İlham Əliyev, birinci xanım Mehriban Əliyeva və ailə üzvləri Bakıda abadlıq, əsaslı yenidənqurma, tikinti və genişləndirmə işlərindən sonra Mərkəzi Nəbatat Bağının açılışında işt..

Beynəlxalq birlik sülhə gəlmək üçün Ermənistana təzyiq etməlidir

İyun 06

10:23 2023

"Son zamanlar Azərbaycanla Ermənistan arasında münasibətlərin normallaşdırılması və sülh sazişi üzrə danışıqlar prosesi kifayət qədər intensivləşib. Cənubi Qafqazda sülhün, təhlükəsizliyin və əməkdaşlığın təmin olunmasını istəyən beynəlxalq vasitəçilər bu məqsəd üçün müxtəlif təşəbbüslər irəli sürürlər. İyunun 1-də Moldovanın paytaxtı Kişineuda keçirilən beştərəfli görüş də bölgədə sülhün təmin edilməsini müzakirə etmək üçün növbəti bir addım oldu”. Bu fikirləri Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva deyib.

Deputat bildirib ki, görüş Moldovada keçirilən Avropa Siyasi Birliyinin sammiti çərçivəsində baş tutub. Beştərəfli qeyri-rəsmi görüşdə Azərbaycan Prezidenti İlham Əliyev, Ermənistanın baş naziri Nikol Paşinyan, Avropa İttifaqı Şurasının Prezidenti Şarl Mişel, Almaniyanın Kansleri Olaf Şolts və Fransanın Prezidenti Emmanuel Makron iştirak ediblər. Verilən məlumatlardan aydın olur ki, beştərəfli qeyri-rəsmi görüş pozitiv müstəvidə keçib. Avropa İttifaqı Şurasının Prezidenti Şarl Mişel görüşün nətciələri haqqında jurnalistlərə açıqlama verərək qeyd edib ki, iyulun 21-də Brüsseldə növbəti üçtərəfli görüş keçiriləcək.

Sevinc Fətəliyevanın sözlərinə görə, Şarl Mişelin vasitəsilə aparılan bu danışıqlar daha çox koordinasiya xarakteri daşıyır. Bütövlükdə, əsas müzakirələr Şarl Mişelin dəstəyi ilə üçtərəfli formatda aparılır. Azərbaycan Brüssel formatını dəstəkləyir. Çünki bu format çərçivəsində tərəflər müəyyən məsələlərlə bağlı müəyyən razılığa gəliblər.

"Azərbaycan bölgədə sülhə nail olmaq üçün irəli sürülən beynəlxalq təşəbbüsləri dəstəkləyir. Ona görə də, dövlətimiz müxtəlif platformalarda təşkil olunan görüşlərdə iştirak edir. Moldovada baş tutan beştərəfli görüş də bu baxımdan dəyərləndirilməlidir. Fransa və Almaniya liderinin burada iştirakı bütövlükdə qeyri-formal xarakter daşıyıb. Bu görüşdə də əsasən bir daha sülh müqaviləsi üzrə danışıqların intenstivləşdirilməsinin vacibliyi qeyd olunub”, - deyən deputat əlavə edib ki, bu ay ərzində Azərbaycan və Ermənistanın xarici işlər nazirlərinin Vaşinqtonda növbəti görüşünün keçirilməsi nəzərdə tutulur. Nazirlərin görüşündə əsas danışıqlar sülh müqaviləsi ilə bağlı olacaq. Onun fikrincə, danışıqlar prosesində intensivliyin artması sülhün əldə edilməsinə olan ümidləri də artırır. Lakin Ermənistan çox zaman qeyri-konstruktiv mövqe nümayiş etdirərək razılaşmaları pozur. Ona görə də, beynəlxalq birlik sülhə gəlmək üçün Ermənistana təzyiq etməlidir.