Ermənistan Konstitusiya Məhkəməsi Bakı ilə imzalanmış sənədə rəy verəcək
Avqust 30
13:43
2024
Azərbaycanın və Ermənistanın sərhəd demarkasiyası komissiyalarının birgə fəaliyyəti haqqında əsasnamə ilə müəyyən edilmiş öhdəliklərin konstitusiyaya uyğunluğunu müəyyən etmək üçün ratifikasiya proseduru çərçivəsində Konstitusiya Məhkəməsinə (KM) göndəriləcək.
"AzPolitika.info” xəbər verir ki, bu barədə "Armenpress”ə Ermənistanın baş nazirliyindən məlumat verilib.
Qeyd edək ki, Xarici İşlər Nazirliyinin bu gün yaydığı məlumata görə, iki ölkənin sərhədlərin demarkasiyası məsələləri üzrə komissiyalarının birgə fəaliyyəti haqqında Əsasnamə imzalanıb.
Əsasnamə təsdiq edildikdən sonra Bakı və İrəvan qrafiki razılaşdırmalı və sərhədin qalan bütün hissələrinin demarkasiyası prosesini davam etdirməlidir.
KM-nin mövqeyi müsbət olarsa, sənəd artıq ratifikasiya üçün Milli Məclisə təqdim olunacaq.
Ermənistan hökumətindən verilən məlumata görə, tənzimləmə sənədlərin əsli diplomatik kanallar vasitəsilə dəyişdirilərək imzalanıb, gələn bazar ertəsi dərc olunacaq.
"Sənədin sonradan dərci hər iki ölkədə proseslərin mümkün qədər sinxronlaşdırılması zərurəti ilə bağlıdır”, - cavabda deyilir.
Delimitasiya prinsiplərini müəyyən edən sənəd iyulun 1-dək razılaşdırılmalı idi. Baş nazirlik aparatının təqdimatına görə, əslində danışıqların yekunlaşdırılması və layihənin imzalanması üçün bir az daha çox vaxt lazım olub.
