“Excelsior” hoteli vergidən yayınıb
Noyabr 17
10:36
2022
Bakının məşhur hotellərindən sayılan "Excelsior” məhkəməlik olub.
Qlobal.az Qafqazinfo-ya istinadən xəbər verir ki, hotel barəsində İnzibati Xətalar Məcəlləsinin 464-cü maddəsinə əsasən, protokol tərtib edilib.
Belə ki, "Excelsior”un rəhbərliyi az miqdarda vergiləri, işsizlikdən sığorta, icbari tibbi sığorta və ya məcburi dövlət sosial sığorta haqlarını ödəməkdən yayınmaqda ittiham olunur. İddia təstiqini taparsa, bu zaman "Excelsior”u inzibati xətanın bilavasitə obyekti olmuş vergilərin və ödənişlərin məbləğinin otuz faizindən yetmiş faizinədək məbləğdə cərimə gözləyir.
İşə Səbail Rayon Məhkəməsində hakim Günel Səmədovanın sədrliyi ilə baxılacaq. Hazırlıq iclası noyabın 25-nə təyin olunub.
Onu da əlavə edək ki, hazırda "Excelsior”un vergi borcu da var. Belə ki, hazırda hotelin vergi borcu 75 931 manat təşkil edir.
