FTX-nın 3 yüksək rütbəli əməkdaşı həbs edildi – 5 milyardlıq rüşvət ittihamı irəli sürülüb
Yanvar 08
16:18
2024
Rusiya İstintaq Komitəsi Fedral Təhlükəsizlik Xidmətinin (FTX) üç zabiti - Aleksey Tsarev, Sergey Manyışkin və Aleksandr Uşakova qarşı ümumilikdə beş milyard rubl məbləğində rüşvət işi üzrə istintaqa başlayıb.
"AzPolitika.info” xəbər verir ki, bu barədə TASS agentliyi hüquq-mühafizə orqanlarına istinadən məlumat yayıb.
TASS-ın məlumatına görə, Aleksandr Uşakov həbs edilib və ona xidməti vəzifəsindən istifadə edərək cinayətkar birlik təşkil etmək ittihamı verilib. Uşakov Rusiya Federasiyası Cinayət Məcəlləsinin 210-cu maddəsinin 3-cü bəndi ilə də (vəzifə mövqeyindən istifadə edərək cinayətkar birliyin təşkili) ittiham olunur.
Sergey Manyşkin və Aleksey Tsarev isə ev dustaqlığındadırlar. Onlar istintaqla əməkdaşlığa gedərək cinayət ortaqlarının əleyhinə ifadə veriblər.
