“Gənc rəssam – gənc istedad” adlı rəsm sərgisi keçirilib
Fevral 24
10:02
2016
İçərişəhərdəki "Natavan gallery” rəsm qalereyasında Azərbaycan Respublikasının Prezidenti yanında Gənclər Fondunun maliyyə dəstəyi ilə "Gənc rəssam – gənc istedad” adlı rəsm sərgisi keçirilib.
AZƏRTAC xəbər verir ki, fondun elan etdiyi yeddinci qrant müsabiqəsi çərçivəsində reallaşan layihənin əsas məqsədi gənclərin ictimai aktivliyini artırmaq, istedad və bacarıqlarının üzə çıxarılmasına dəstək olmaq və onların əl işlərini sərgiləməkdən ibarətdir.
Layihə rəhbəri Aygün Əliyevanın bildirdiyinə görə, bu layihə vasitəsilə gənclər öz bacarıqlarını nümayiş etdirib, Vətən, yurd, torpaq sevgisini tərənnüm edib, həm də bu istiqamətdə cəmiyyətə kiçik mesajlar veriblər.
Əlliyə yaxın istedadlı gəncin iştirakı ilə keçirilən "Gənc rəssam – gənc istedad” sərgisinin iştirakçılarına sertifikatlar təqdim olunub.
Qlobal.az
