Gənclərin İnkişaf və Karyera Mərkəzi seksual cinayətkarı tenderdə qalib edib

SON XƏBƏR

Milli Məclisin bu deputatlarına mənzil verilibVI çağırışın bəzi deputatlarına mənzil verilib Sentyabrda səlahiyyətləri başa çatmış VI çağırış (2000-2024-cü illər) Milli Məclisin bəzi deputatlarına mənzil verilib. Modern.az saytının əldə etdiy..
70 kq qızılla tutulan azərbaycanlı diplomat Bakıya gətirildiXəbər verdiyimiz kimi Türkiyənin İstanbul şəhərində "Vadi İstanbul” ticarət mərkəzinin yaxınlığında polisin qaçaqmalçılıqla mübarizə məqsədilə həyata keçirdiyi yoxlama zamanı taksilərin birində azərba..
Putin “Oreşnik” sisteminin seriyalı istehsalını elan edibRusiya Prezidenti Vladimir Putin "Oreşnik” raket sisteminin seriyalı istehsalını elan edib. "Report” Kremlin mətbuat xidmətinə istinadən xəbər verir ki, Rusiya lideri müvafiq bəyanatı Müdaf..
Makronun Haiti rəhbərliyini “axmaq” adlandırması qalmaqala səbəb olubFransa Prezidenti Emmanuel Makronun Haiti liderlərini "axmaq” adlandırması ölkələr arasında qalmaqala səbəb olub. "Report” xəbər verir ki, bu barədə "The Guardian” yazıb. Nə..
Prezident ICAPP 12-ci Baş Assambleyasının iştirakçılarına müraciət ünvanladıPrezident İlham Əliyev Asiya Siyasi Partiyaları Beynəlxalq Konfransı 12-ci Baş Assambleyasının iştirakçılarına müraciət ünvanlayıb. Müraciətdə deyilir: "Hörmətli tədbir iştirakçıları! Sizi As..
Qalmaqallı xəstəxana direktoru hakim qarşısındaGoranboy Rayon Mərkəzi Xəstəxanasının direktoru Rauf Yəhyayev barədə cinayət işi açılıb. Modern.az-ın əldə etdiyi məlumata görə, direktor barədə Cinayət Məcəlləsinin 308.1-ci (Dövlət büdcəsinin, mə..
Fernandu Santuş dekabrda AFFA İcraiyyə Komitəsinə hesabat verəcəkAzərbaycan millisinin baş məşqçisi Fernandu Santuş dekabrda AFFA İcraiyyə Komitəsinə hesabat verəcək. "Report"un əldə etdiyi məlumata görə, qurum növbəti iclasını gələn ay keçirməyi planlaşdırır..
NATO Baş katibi Ukrayna məsələsini müzakirə etmək üçün ABŞ-a səfər edəcəkNATO-nun baş katibi Mark Rutte Ukrayna məsələsini müzakirə etmək məqsədilə yeni seçilmiş prezident Donald Trampla görüşmək üçün yaxın vaxtlarda ABŞ-a səfər edə bilər. "Report” xəbər verir k..
Aqrar Tədqiqatlar Mərkəzinin sabiq direktoru əmək bazarını təhlil edəcəkKənd Təsərrüfatı Nazirliyi yanında Aqrar Tədqiqatlar Mərkəzinin (ATM) sabiq direktoru Firdovsi Fikrətzadəyə yeni vəzifə verilib. Qaynarinfo-nun əldə etdiyi məlumata görə, əmək və əhalinin sos..
İmişlinin Bəcirəvan kəndinin bir qrup sakini Prezidentə şikayət ünvanlayıbİmişli rayonunun Bəcirəvan kəndinin bir qrup sakini ölkə rəhbərliyinə şikayət məktubu ünvanlayıb. Qlobal.az elektron ünvanına göndərilən şikayət məktubunu təqdim edir: Azərbaycan Re..

Gənclərin İnkişaf və Karyera Mərkəzi seksual cinayətkarı tenderdə qalib edib - ARAŞDIRMA

Sentyabr 30

22:53 2021

Gənclərin İnkişaf və Karyera Mərkəzi 40 nümayəndəliyində həyata keçirilməsi nəzərdə tutulan müxtəlif layihələr üzrə mal və xidmətlərin satın alınması üçün "Alono M” MMC ilə müqavilə imzalayıb.

Bu müqavilədə diqqət çəkən məsələ odur ki, onun altında təchizatçı kimi seksual xarakterli cinayət törətmiş şəxsin imzası var.

Gənclərin İnkişaf və Karyera Mərkəzi ilə "Alono M” MMC arasında sentyabrın 24-dən gələn ilin sentyabrın 24-ə qədər yerinə yetirilməli olan müqavilənin dəyəri 46 256 manat təşkil edir.

Tədarükçünün qanuni nümayəndəsi Nahid Nizami oğlu Kərimovdur. Mərkəzi Seçki Komissiyasının seçici bazasında bu adda adam haqqında məlumat yoxdur. 2013-cü ildə mətbuat yazırdı ki, 1984-cü il təvəllüdlü bu adda şəxs AR Cinayət Məcəlləsi ilə (16 yaşına çatmayan şəxslə cinsi əlaqədə olma və ya digər seksual xarakterli hərəkətlərin edilməsi) 1,6 il müddətində həbs cəzası çəkib. Həbsxana administrasiyası qeyd edib ki, məhkumun qohumu Nahid Kərimova narkotik maddə ötürmək istəyib.

Gənclərin İnkişaf və Karyera Mərkəzinin nümayəndəsi Ədalət Qasımov Turana bildirib ki, qanunvericilik kotirovka sorğularına qatılan iddiaçılar üçün bir sıra tələbləri müəyyən edir və onların arasında potensial mal (iş və xidmət) təchizatçısının texniki və digər imkanları ilə bağlı heç bir meyar yoxdur.

Həmçinin iddiaçının qanuni nümayəndəsinin şəxsiyyəti yoxlanılmalı deyil.

"Alono M” MMC (VÖEN: 1804324661) 2019-cu ilin fevralın 18-də Bakı şəhəri Sabunçu rayonundakı mənzillərin birində qeydiyyata alınıb.

İqtisadiyyat Nazirliyi yanında Dövlət Vergi Xidmətinin məlumatına görə, həmin günlərdə eyni mənzildə onun rəhbərliyi ilə daha üç şirkət ("Eniqma T”, "Qold ST” və "Optima N”) təsis edilib. Ümumilikdə o mənzildə 15 şirkət qeydiyyata alınıb.

Gənclərin İnkişaf və Karyera Mərkəzi Azərbaycan Respublikası Gənclər Fondu yanında yaradılıb. 2019-cu ilin oktyabr ayında prezident İlham Əliyev Mərkəzin regional nümayəndəliklərinin yaradılması və fəaliyyətinin təmin edilməsi məqsədilə 4 milyon manatın ayrılması ilə bağlı sərəncam verib.

Gənclərin İnkişaf və Karyera Mərkəzinin ölkənin şəhər və rayonlarında əsasən Heydər Əliyev Mərkəzlərində yerləşən 43 nümayəndəliyi var.

Mənbə: TURAN

Qlobal.Az