Gürcüstan rusiyalı kişilər üçün sərhədi bağlaya bilər
Sentyabr 26
01:12
2022
Sentyabrın 26-dan rusiyalı kişilərin Gürcüstana girişi qadağan oluna bilər.
"Report” xəbər verir ki, bu barədə Gürcüstan parlamentinin üzvü, müxalif siyasətçi Nona Mamulaşvili Ukraynanın "Freedom” telekanalının efirində bildirib.
N.Mamulaşvilinin sözlərinə görə, bir neçə gündür Gürcüstana gedən Rusiya Federasiyası vətəndaşlarının axını böyük olaraq qalır.
Deputat qeyd edib ki, Gürcüstan hökuməti bu vəziyyətlə bağlı hələlik heç bir tədbir görməyib. Eyni zamanda, o bildirib ki, hakimiyyət bazar ertəsindən etibarən ölkə sərhədlərini bağlamağı vəd edir.
