İqtisadi İslahatların Təhlili və Kommunikasiya Mərkəzinə əlavə analitik səlahiyyətlər verilib

SON XƏBƏR

NATO Rusiya sərhədi yaxınlığında hərbi təlimlərə başladıPolşanın Varmin-Mazur vilayətində, Rusiyanın sərhədindən cəmi 70 kilometr məsafədə, NATO qüvvələrinin TUMAK-24 adlı taktiki təlimləri başlayıb. Qaynarinfo xəbər verir ki, bu barədə Polşanın P..
Kreml Hələbdəki vəziyyəti Suriyanın suverenliyinə qəsd adlandırıbKreml Hələbdəki vəziyyəti Suriyanın suverenliyinə qəsd adlandırıb. APA-nın Moskva bürosu xəbər verir ki, bu barədə Rusiya Prezidentinin mətbuat katibi Dmitri Peskov bildirib. "Hələb ətrafındakı..
Mahnı qalmaqalına görə işdən çıxarılan direktor vəzifəyə bərpa edildiSamuxda məktəbdə keçirilən "Son zəng” mərasimində bayağı musiqi səsləndirilməsinə görə işdən azad olunan məktəb direktoru vəzifəsinə bərpa edilib. "Qafqazinfo” xəbər verir ki, bu barədə Nərimanov R..
Bu şəxslər birdəfəyə 6 min pul alacaqlarMilli Məclis "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" qanuna təklif olunan dəyişiklik layihəsini son oxunuşda müzakirəyə çıxarıb. Qaynarinf..
Azərbaycanda qeydiyyatda olan İİV xəstələrinin sayı açıqlanıb1987-ci ildən 2024-cü ilin III rübünün sonunadək Azərbaycanda 10 min 108 İİV xəstəsi rəsmi qeydiyyata alınıb. "Report" xəbər verir ki, bunu Səhiyyə Nazirliyi Respublika QİÇS-lə Mübarizə Mər..
Bu məktəbə Natiq Qasımovun adı verildiMingəçevir şəhəri 4 nömrəli tam orta ümumtəhsil məktəbinə Azərbaycanın Milli Qəhrəmanı Natiq Səlim oğlu Qasımovun adı verilib. Bu barədə Baş nazir Əli Əsədov Qərar imzalayıb. Sənədə əsasən, Elm ..
Azərbaycanın xaricə satdığı məhsulların pulunu mənimsəyən şəxslər ifşa edildiKənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər ifşa edilib. Bu barədə Baş Prokurorluq məlumat yayıb. Belə ki, Sumqayıt şəhər pro..
Gürcüstanın parlament binasında qırmızı təhlükəsizlik səviyyəsi elan edilibEtirazlarla əlaqədar Gürcüstanın parlament binasında qırmızı təhlükəsizlik səviyyəsi elan edilib. APA-nın Tbilisi müxbiri Gürcüstanın İctimai telekanalına istinadən xəbər verir ki, qaydalara əsa..
Çad Fransa ilə müdafiə sahəsində əməkdaşlıq müqaviləsini pozubÇad Fransa ilə müdafiə müqaviləsini ləğv etdiyini açıqlayıb. APA xəbər verir ki, bu barədə "Frans-Presse" (AFP) Çadın Xarici İşlər Nazirliyinin rəhbərinin bəyanatına istinadən məlumat yayıb. "Ça..
Narkotiklə dolu avtomobili evakuatorla paytaxta gətirmək istəyən dəstə üzvləri saxlanılıblarÖlkə ərazisinə qaçaqmal yolu ilə gətirilən külli miqdarda narkotik vasitəni Bakı şəhərinə çatdıraraq satışını təşkil etmək istəyən şəbəkə üzvləri ifşa ediliblər. DİN-in Mətbuat Xidmətinin Lənkər..

İqtisadi İslahatların Təhlili və Kommunikasiya Mərkəzinə əlavə analitik səlahiyyətlər verilib

İyul 13

19:29 2016

Azərbaycan Respublikası Prezidenti "İqtisadi İslahatların Təhlili və Kommunikasiya Mərkəzinin Nizamnaməsi”ndə dəyişikliklər edilməsi haqqında Fərmanı imzalayıb.

İqtisadi İslahatların Təhlili və Kommunikasiya Mərkəzindən AZƏRTAC-a bildirilib ki, Prezidentin bu Fərmanı ilə idarəetmədə şəffaflığın artırılması, qabaqcıl analitik təcrübənin tətbiq edilməsi və dövlət proqramlarının səmərəliliyinin artırılması məqsədilə İqtisadi İslahatların Təhlili və Kommunikasiya Mərkəzinə əlavə analitik səlahiyyətlər verilib. Bu Fərman, dövlət proqramlarının, iqtisadi təşviq layihələrinin həyata keçirilməsi sahəsində olan çətinliklərin aradan qaldırılması, nəticə əsaslı fəaliyyət sisteminin formalaşdırılması, son nəticəyə kimi bütün proseslərin izlənilməsi və təhlili baxımından böyük əhəmiyyətə malikdir.

Fərmana əsasən İqtisadi İslahatların Təhlili və Kommunikasiya Mərkəzi dövlət qurumlarının sifarişi əsasında iqtisadi yönümlü dövlət proqramlarının və iqtisadi təşviq layihələrinin texniki-iqtisadi əsaslandırılmasını, risklərin təhlilini, iqtisadi monitorinqini və qiymətləndirilməsini həyata keçirəcək. Bu yolla dövlət maliyyələşdirilməsi və nəticə arasında əlaqə daha da gücləndirilir, həmçinin prioritetlərin seçilməsi üçün daha geniş imkan yaranır. Bu isə beynəlxalq praktikada olan yaxşı idarəetmə təcrübələrinin Azərbaycanda daha geniş tətbiqinə və dövlət proqramlarının və iqtisadi təşviq layihələrinin səmərəliliyinin artırılmasına imkan verəcək. Beləliklə, Azərbaycanda dövlət proqramlarının uzunmüddətli inkişaf strategiyalarına uyğun şəkildə həyata keçirilməsi üçün daha bir addım atılıb. Dövlət tərəfindən uğurla həyata keçirilən proqramların indikatorlara nə dərəcədə uyğunluğunu müəyyən etmək mümkün olacaq. Azərbaycanda dövlət tərəfindən yaradılan infrastrukturun davamlı iqtisadi inkişafa töhfəsini daha da artırmaq üçün resurslardan daha səmərəli istifadə və konkret iqtisadi məsələlərin hədəflənməsi baxımından İqtisadi İslahatların Təhlili və Kommunikasiya Mərkəzinə verilən əlavə analitik səlahiyyətlərin xüsusi önəmi olacaq.

Bundan başqa Mərkəz, sifariş əsasında icra müddəti bitmiş dövlət proqramlarının iqtisadi səmərəsini qiymətləndirəcək, iqtisadi islahatların hazırlanması və tətbiqi ilə əlaqədar sorğular əsasında istehlakçı məmnunluqları reytinqini nəşr etdirəcək. Azərbaycanda aparılan iqtisadi islahatlar zamanı inklüzivlik, əhatəlilik və insan amilinə üstünlük verilməsi bu Fərmanda da öz təsbitini bir daha tapıb. İslahatların təsirinin istehlakçı məmnuniyyəti perspektivindən qiymətləndirilməsi islahatların daha da səmərəli reallaşdırılması üçün zəmindir.

Fərmanda Azərbaycan Respublikasının Nazirlər Kabinetinə üç ay müddətində iqtisadi təşviq layihələrinin monitorinq və qiymətləndirilməsinin aparılması qaydasını, dövlət proqramlarının tərtibi, icrası, monitorinq və qiymətləndirilməsi qaydalarını, dövlət qurumları tərəfindən müvafiq sifarişlərin Mərkəzə verilməsi və maliyyələşdirilməsi qaydalarınının layihəsini hazırlayaraq Azərbaycan Respublikası Prezidentinə təqdim etmək tapşırılıb.

İqtisadi İslahatların Təhlili və Kommunikasiya Mərkəzinə verilən əlavə analitik səlahiyyətlər bu qurumu ən yaxşı islahat təcrübəsi ilə yadda qalan Böyük Britaniya, Malayziya və başqa ölkələrdə olan analoqları ilə bir səviyyədə tutur.

İqtisadi islahatlar istiqamətində Prezident İlham Əliyev tərəfindən müəyyənləşdirilən uğurlu kurs, habelə inkişaf etmiş infrastruktur, makroiqtisadi sabitlik və yüksək yığım səviyyəsi, deməyə əsas verir ki, Azərbaycan post-neft dövründə yenə də regionunun ən rəqabətədavamlı ölkəsi statusunu özündə saxlayacaq.

Qlobal.az