İranda aksiyada 7 etnik bəluc qətlə yetirilib, çoxlu sayda yaralı var
Aprel 26
10:31
2023
İranın Sistan-Bəlucistan əyalətində aksiya zamanı etnik bəluclarla hərbi-polis qüvvələri arasında baş verən toqquşma nəticəsində 7 etirazçı ölüb, çoxlu sayda dinc sakin isə yaralanıb.
"Report” xəbər verir ki, məlumatı "Amerikanın səsi” radiosunun fars redaksiyası yayıb.
Bildirilib ki, rejimin hərbi-polis qüvvələrinin motosikletçiləri aksiya zamanı əyalətin Fənuc şəhərində 4 yeniyetməyə hücum edib.
Onlar ağır yaralanıb. Buna etiraz olaraq şəhər əhalisi yerli polis şöbəsinin binasını daş-qalaq ediblər.
Bildirilib ki, hökumət qüvvələri etirazçılara odlu silahdan atəş açıb.
