Kəlbəcərin işğaldan azad edilməsinin ildönümüdür

SON XƏBƏR

“Nar” abunəçiləri üçün “İnternet Kredit” xidmətini təqdim edirSərfəli mobil operator "Nar” abunəçilərinə balanslarında yetərli məbləğ olmadığı zaman "İnternet Kredit” xidməti vasitəsilə internet paketləri sifariş vermək imkanı yaradıb. Abunəçilər *771#200#YES..
Sabah bələdiyyə seçkilərinin tarixi elan ediləcəkSabah Mərkəzi Seçki Komissiyasının iclası keçiriləcək. Bu barədə MSK sədri Məzahir Pənahov məlumat verib. İclasda bələdiyyə seçkilərinin təyin edilməsi məsələsinə baxılacaq. Seçki Məcəlləsini..
"Politico" nəşri dezinformasiya yaymaqda davam edir" - Hikmət Hacıyev"Politico" nun Avropa bürosu Azərbaycandan üzr istəmək və saxta məlumatları əks etdirən məqaləsini təkzib etmək əvəzinə, Avropa və dünya ictimaiyyətini çaşdırmaq üçün dezinformasiyalar yaymağa davam e..
"FAB Boya" hansı qaydanı pozub?"FAB Boya və Kimya Sənayesi" Məhdud Məsuliyyətli Cəmiyyəti (MMC) barəsində cərimə protokolu yazılıb. Qaynarinfo-nun əldə etdiyi məlumata görə, protokol Dövlət Gömrük Komitəsi tərəfindən İnzibati Xə..
Türk Dünyası ölkələrinin Ürək-Damar Cərrahiyyəsi Birliyi təsis edilibNoyabrın 20-dən 24-dək Türkiyə Ürək-Damar Cərrahiyyəsi Dərnəyinin Antalyada keçirilən 18-ci Milli Konqresində Türk Dünyası ölkələrinin Ürək-Damar Cərrahiyyəsi Birliyinin təsis toplantısı keçirilib. ..
Yüksək Texnologiyalar Parkının adının dəyişdirildi (SƏRƏNCAM)Prezident İlham Əliyev "Azərbaycan Milli Elmlər Akademiyası (AMEA) Yüksək Texnologiyalar Parkının adının dəyişdirilməsi haqqında” Sərəncam imzalayıb. Sərəncama əsasən, AMEA-nın Yüksək Texnolog..
Komitə sədri: "Dağlıq rayonlarda şagirdlərin sayı azalır, məsələ kökündən həll olunmalıdır""Hər il dağlıq rayonlarda şagirdlərin sayı azalır". Bunu Milli Məclisdə 2025-ci ilin dövlət büdcəsinin müzakirəsi zamanı parlamentin Elm və təhsil komitəsinin sədri Anar İsgəndərov deyib. ..
Deputat qohumunu işdən çıxarıb öz xanımını təyin etdi"Odlar Yurdu” Universitetində kadr dəyişikliyi olub. "Yenisabah.az" xəbər verir ki, universitetin Magistratura və MBA şöbəsinin müdiri Samirə Vəliyeva tutduğu vəzifədən azad olunub. Onun y..
"Kristal Abşeron"-la "Aznet"-dən şikayət var"Kristal Abşeron" şirkətinin Nizami rayonu Məshəti Gəncəvi küçəsi 130A və 130C ünvanında yerləşən binalarında yaşayan sakinlər "Aznet" intenet provayderindən şikayətçidirlər. Sakinlər "Arqume..
Britaniya Ukraynaya gizli şəkildə yeni “Storm Shadow” partiyası göndərib - BloombergBöyük Britaniya ötən günlərdə Ukraynaya uzun mənzilli qanadlı raketlər olan "Storm Shadow” silahlarının yeni partiyasını təhvil verib. Qaynarinfo "Bloomberg”ə istinadla xəbər verir ki, ..

Kəlbəcərin işğaldan azad edilməsinin ildönümüdür

Noyabr 25

08:56 2023

Kəlbəcərin işğaldan azad edilməsindən 3 il ötür.

APA-nın məlumatına görə, Azərbaycan Ordusunun Ermənistanın 2020-ci il sentyabrın 27-də təcavüzünə qarşı başladığı əks-hücum əməliyyatı 2020-ci il noyabrın 9-da Zəfərlə başa çatıb.

Azərbaycan Ordusu 44 günlük Vətən müharibəsində ümumilikdə 300-dən çox yaşayış məntəqəsini, həmçinin Ağdərə, Murovdağ və Zəngilan istiqamətlərində mühüm strateji yüksəklikləri işğaldan azad edib.

Noyabrın 8-də Şuşanın işğaldan azad edilməsi ilə müharibədə məğlub olduğunu anlayan Ermənistan məcburiyyət qarşısında qalaraq kapitulyasiya aktına imza atıb.
Noyabrın 10-da Azərbaycan Prezidenti İlham Əliyev, Rusiya Prezidenti Vladimir Putin və Ermənistanın Baş naziri Nikol Paşinyan arasında Bəyanat imzalanıb.

Bəyanatın 6-cı bəndinə əsasən, Kəlbəcər rayonu Azərbaycana qaytarılıb. Bəyanatda Kəlbəcərin noyabrın 15-dək qaytarılması nəzərdə tutulsa da, ermənilər rayonu boşaltmaq üçün Rusiya vasitəsilə Azərbaycandan 10 gün vaxt istəyib. Azərbaycan humanizm prinsiplərini əsas götürərək, güzəştə gedib, ermənilərə 10 gün vaxt verib. 2020-ci il noyabrın 25-də Kəlbəcər rayonu Azərbaycana qaytarılıb.

Beləliklə, Kəlbəcərin 27 illik işğalına son qoyulub.

Lakin verilmiş 10 gün möhlət müddətində də ermənilər xislətlərinə uyğun davranaraq, Kəlbəcərdə dağıntılar törədib, 27 il işğalda saxladıqları rayonu tərk edərkən evləri, binaları, tikililəri talan edib, yandırıb, ağacları qırıb, ekoloji terrora əl atıb. Bundan başqa, onlar Kəlbəcəri tərk etməzdən əvvəl rayonunun müxtəlif ərazilərində, yol keçidlərində piyada və tank əleyhinə minalar basdırıblar. Bunun nəticəsində 2021-ci il iyunun 4-də Kəlbəcər rayonunun Susuzluq kəndi ərazisində jurnalistləri daşıyan nəqliyyat vasitəsi tank əleyhinə minaya düşüb, partlayışda "Azərtac”ın müxbiri Məhərrəm İbrahimov, AzTV-nin operatoru Sirac Abışov və Kəlbəcər RİH başçısının Susuzluq kənd inzibati ərazi dairəsi üzrə nümayəndəsinin müavini Arif Əliyev həlak olub, 4 nəfər yaralanıb.

Qeyd edək ki, üçtərəfli Bəyanatın 2-ci bəndinə əsasən, 2020-ci il noyabrın 20-də Ağdam rayonu, 6-cı bəndinə əsasən, dekabrın 1-də isə Laçın rayonu da Azərbaycana qaytarılıb.

Azərbaycan Ağdam, Kəlbəcər və Laçın rayonlarının işğaldan azad edilməsinə heç bir itki vermədən nail olub.

Azərbaycan Prezidenti İlham Əliyev 25 noyabr 2020-ci ildə televiziya ilə müraciətində Kəlbəcər rayonunun işğaldan azad edilməsi münasibətilə Azərbaycan xalqını təbrik edib.

Kəlbəcərin işğaldan azad edilməsi şərəfinə Azərbaycan Respublikasında "Kəlbəcərin azad olunmasına görə” medalı təsis olunub.

Prezident İlham Əliyevin Sərəncamı ilə Kəlbəcərin işğaldan azad edilməsi uğrunda döyüş əməliyyatlarında iştirak edərək şəxsi igidlik və şücaət göstərmiş hərbi qulluqçular "Kəlbəcərin azad olunmasına görə” medalı ilə təltif edilib.

Prezident İlham Əliyevin bu il imzaladığı Sərəncama əsasən, 25 noyabr – Kəlbəcər Şəhəri Günüdür.

Qeyd edək ki, Kəlbəcər rayonu 1993-cü il aprelin 2-də Ermənistan Silahlı Qüvvələri tərəfindən işğal edilmişdi.

Ermənistan işğal müddətində Kəlbəcər şəhərini və rayonun yaşayış məntəqələrini talayıb, darmadağın edib, tarixi, mədəni, dini abidələr, qəbiristanlıqlar yer üzündən silinib.