“Kremlin Ağalarova münasibəti dəyişib” – “İşin içində onun biznes rəqibləri var...”
Aprel 08
11:31
2024
"Moskvada iş adamı Araz Ağalarova qarşı kampaniyanın başladığı hiss olunur. Terrorçuların "Crocus Siti Holl”-a hücumu və baş verən faciə Moskvada Araz Ağalarova münasibəti dəyişib”.
Ekspert xatırladır ki, əvvəlcə Rusiya mediası "Crocus Siti Holl”-un təhlükəsizlik xidməti terrorçulara qarşı niyə müqavimət göstərməyib?” deyə yazırdı.
"İzah edildi ki, təhlükəsizlik xidməti əməkdaşlarının silah daşıması Rusiya qanunlarına görə qaradağandır. Təhlükəsizlik xidmətinin əməkdaşları Kalaşnikov avtomatları ilə silahlanan terrorçuları dayandıra bilməzdilər”, - o, əlavə edib.
E.Şahinoğlu qeyd edir ki, Rusiya mediasının sonrakı mövzusu "Crocus Siti Holl”-un sonrakı taleyi ilə bağlıdır: "Belə fikirlər səsləndirirlər ki, həmin yerdə artıq əyləncə mərkəzi olmamalı, qurbanların abidəsi inşa edilməlidir. Araz Ağalarov buna etiraz etmir, ancaq əlavəsi ondan ibarətdir ki, bu müzakirə predmeti olmalıdır. Bunun ardınca, Rusiya İstintaq Komitəsinin "Crocus Siti Holl” konsert zalının yanğın təhlükəsizliyinə cavabdeh olan şəxsə qarşı səhlənkarlıq maddəsi ilə cinayət işinin açıldığı xəbəri yaylıb. Digər tərəfdən, Rusiyanın İstintaq Komitəsinə "Crocus City Hall”-un sahiblərinə qarşı göstərilən xidmətlərin təhlükəsizliyinin təmin edilməməsi haqqında cinayət işi açılması barədə ərizələr daxil olub”.
Politoloq xatırladır ki, əslində bu hadisəyə qədər Rusiya hakimiyyəti Araz Ağalarovun biznes fəaliyyətinə əngəl yaratmırdı. Əksinə Ağalarora Rusiyanın müxtəlif şəhərlərində tikinti aparmaq üçün icazələr verilirdi.
