Lüsern Dünya Turizm Forumunun Beyin Mərkəzinin (Think Tank) növbəti toplantısı Bakıda keçiriləcək
Fevral 25
10:08
2016
Səyahət, turizm və qonaqpərvərlik sənayesinin "Davos Forumu” sayılan Lüsern Dünya Turizm Forumunun Beyin Mərkəzinin (WTFL Think Tank) növbəti toplantısı 2016-cı il 5-6 mart tarixində Bakıda keçiriləcəkdir.
Qeyd olunan toplantıda bir sıra ölkələrin turizm nazirləri, beynəlxalq təşkilatların rəhbərləri və turizm üzrə tanınmış ekspertlərin iştirakı nəzərdə tutulur. Builki toplantının mövzusu "İnkişafda olan turizm məkanları üçün müvəffəqiyyət faktorları”dır.
Toplantı zamanı "növbəti on il ərzində turizm sahəsinə təsir edəcək global tendensialar, turizm üçün insan resursları inkişafının mahiyyəti, yeni texnologiyaların biznes modellərinə və marketinqə təsiri və digər mövzularla bağlı müzakirələr aparılacaqdır.
Qeyd olunmalıdır ki, ölkəmiz 2015-ci ildə İsveçrədə keçirilmiş Lüsern Dünya Turizm Forumunda "Qonaq ölkə” (Guest country) qismində iştirak etmişdir.
Forum haqda ətraflı məlumat http://wtflucerne.org/ elektron ünvanından əldə oluna bilinər.
Qlobal.az
