Məhkəmə-Hüquq Şurasının və məhkəmənin adından saxta sənədlər hazırlayan şəxs ifşa edilib

SON XƏBƏR

Azərbaycanın dövlət borcu açıqlandıBu il oktyabrın 1-nə Azərbaycanın dövlət borcu 26 milyard 201,4 milyon manat və yaxud 2024-cü il üzrə proqnozlaşdırılan ümumi daxili məhsulun (ÜDM) 21,6 %-i qədər olub. Qaynarinfo Maliyyə Nazirliyi..
Polşanın Azərbaycandakı müvəqqəti işlər vəkili XİN-ə çağırılıbNoyabrın 28-də Polşanın Azərbaycandakı müvəqqəti işlər vəkili Mixal Qreçilo Xarici İşlər Nazirliyinə çağırılıb. Xarici İşlər Nazirliyindən verilən xəbərə görə, görüş zamanı, Azərbaycan tərəfinin x..
1000 illik "Mavi Quran"ın səhifəsində gizli mətn tapıldı (FOTO)"Mavi Quran"ın bir səhifəsində mürəkkəb naxışların altında gizlədilmiş mətn aşkar edilib. Qaynarinfo xəbər verir ki, bu barədə interestingengineering.com saytı məlumat yayıb. "IX..
Valideynlərin şikayətçi olduğu Sumqayıtda məktəblərin isidilməsinə ayrılan pullar hara gedir?Dünən mediada övladlarının təhsil aldığı orta məktəbdə istiliyin olmadığından şikayətlənən valideynlərin narazılığı ilə bağlı məlumatlar yayılmışdı. "Sumqayıt şəhəri, Bağlar massivi, Aşağı Mollu kənd ..
İqtisadiyyat naziri rublun ucuzlaşmasında dolları və yeni sanksiyaları günahlandırdıSon günlərdə rublun kəskin zəifləməsinin əsas səbəbləri ABŞ dollarının möhkəmlənməsi və Moskvaya qarşı sonuncu sanksiya raundu ilə bağlı bazar narahatlıqlarının artmasıdır. Qaynarinfo xəbər v..
Təngə kəskin ucuzlaşdıQazaxıstan Fond Birjasında keçirilən son hərraclarda ölkənin milli valyutası olan Qazaxıstan təngəsi 1 dollar üçün 510,25-ə kimi ucuzlaşaraq tarixi minimumunu göstərib. "AzPolitika” "Reuter..
“Dayı” Hakim qarşısında - Rüşvətdə ittiham olunurQuru Qoşunların tabeliyindəki N saylı hərbi hissənin Maliyyə xidmət bölməsində mühasib işləmiş Alı Əliyevin cinayət işi üzrə ibtidai istintaq tamamlanıb. "Qafqazinfo”nun əldə etdiyi məlumata görə, ..
İlham Əliyev Albaniya Prezidentini təbrik etdiPrezident İlham Əliyev Albaniya Prezidenti Bayram Beqanı milli bayram münasibəti ilə təbrik edib. Qlobal.az xəbər verir ki, bu barədə Prezidentin Mətbuat xidməti məliumat yayıb. Təbrikdə deyilir..
Fransızların 63 faizi Makronun istefasını istəyirFransızların təxminən üçdə ikisi (63 %) hökumətə etimadsızlıq göstəriləcəyi təqdirdə, prezident Emmanuel Makronun istefasını zəruri sayıb. "Report” xəbər verir ki, bu barədə BFMTV telekanal..
Quş ətinin qiyməti kəskin artdı (VİDEO)Paytaxt sakinlərinin sözlərinə görə, əvvəllər 17, 18 manata aldıqları hinduşka əti indi 19-20 manata təklif olunur. Satıcılar da qiymətlərin qalxdığını deyirlər. Bölgə bazarlarında da vəziyyət d..

Məhkəmə-Hüquq Şurasının və məhkəmənin adından saxta sənədlər hazırlayan şəxs ifşa edilib

Avqust 25

12:48 2023

Məhkəmə-Hüquq Şurasının və məhkəmənin adından saxta sənədlər hazırlayan şəxs ifşa edilib.

Bu barədə Şuradan məlumat verilib.

Bildirilib ki, vətəndaş S.Cabbarova tərəf olduğu mülki işlə bağlı Məhkəmə-Hüquq Şurasına müraciət edərək Zöhrab Lətif oğlu Paşayevin ona qarşı qanunsuz əməllərə yol verdiyini, məhkəmədə işinin həllinə köməklik göstərilməsi müqabilində ondan xeyli miqdarda pul vəsaiti aldığını, habelə həmin şəxsin ona Məhkəmə-Hüquq Şurasının və Bakı Apellyasiya Məhkəməsinin adından tərtib olunmuş məktublar verdiyini bildirib. Göstərilən halların araşdırılması üçün müvafiq müraciət və təqdim edilmiş sənədlər Məhkəmə-Hüquq Şurasının Aparatı tərəfindən hüquq mühafizə orqanlarına göndərilib.

Dövlət Təhlükəsizliyi Xidmətində aparılmış araşdırmalar zamanı Azərbaycan Respublikası vətəndaşı, əvvəllər Azərbaycan Respublikası Cinayət Məcəlləsinin 178.2.2, 178.2.4 (dələduzluq, təkrar və xeyli miqdarda ziyan vurmaqla törədildikdə), 310 (özbaşına özünün vəzifəli şəxs kimi təqdim edilməsi) və 320.1-ci (rəsmi sənədləri qanunsuz hazırlama) maddələri ilə məhkum edilmiş və məhkumluğu ödənilməmiş Zöhrab Paşayevin 2022-ci ilin noyabr ayından etibarən yenidən özünü vəzifəli şəxs kimi təqdim etməklə ayrı-ayrı vətəndaşlara məhkəmə işlərinin həllinə, adlarına əmlakların rəsmiləşdirilməsinə kömək edəcəyi barədə yalan vədlər verməsi, onların inamını qazanmaq məqsədilə xüsusi qaydada QR kodlar hazırlayıb yerləşdirməklə Məhkəmə-Hüquq Şurasının, məhkəmələrin və digər dövlət orqanlarının adından saxta sənədlər hazırlayıb təqdim etməsi və bununla da vətəndaşların pul vəsaitlərini etibardan sui-istifadə etmə və aldatma yolu ilə ələ keçirməsinə əsaslı şübhələr müəyyən edilib.

Başlanılmış cinayət işi üzrə Zöhrab Paşayev Cinayət Məcəlləsinin 178.2.2, 178.2.4, 310 və 320.1-ci maddələri ilə cinayət məsuliyyətinə cəlb olunub.

"Bildiririk ki, bundan sonra da Məhkəmə-Hüquq Şurasının, məhkəmələrin, habelə hakimlərin adından istifadə edərək, qanunsuz əməllərə yol verən şəxslər barəsində müvafiq tədbirlər görülməsi üçün zəruri addımlar atılacaq. Eyni zamanda vətəndaşlara tövsiyə edilir ki, hüquqi yardımın göstərilməsi ilə bağlı yalnız qanunvericiliklə müəyyən olunmuş qaydada həmin fəaliyyətlə peşəkar qaydada məşğul olan şəxslərə və ya qurumlara müraciət etsinlər", - məlumatda vurğulanıb.