“Met-Ak” ölkədən külli miqdarda pul çıxarıb?
May 01
15:00
2024
"Met-Ak” MMC barəsində cərimə protokolu tərtib edilib. MMC böyük məbləğdə cərimə edilə bilər.
Qeyd edək ki, "Met-Ak”ın cərimələndiyi maddəyə əsasən, sahibkar müəyyən mal almaq üçün ölkədən pul çıxarırsa, iki il ərzində həmin mal ölkəyə gətirilməlidir. Mal bu müddət ərzində ölkəyə gəlmirsə pulu ölkədən çıxaran MMC cərimələnir. İki il ərzində mal ölkəyə gəlmirsə, bu sahibkarın ölkədən pul çıxarması anlamına gəlir.
Qlobal.az
Tribunainfo.az xəbər verir ki, "Met-Ak” İnzibati Xətalar Məcəlləsinin 430.4-cü maddəsini pozub. Tələbi pozulan maddəyə əsasən, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.
"Met-Ak”ın işinə 8 may tarixində Nərimanov Rayon Məhkəməsində hakim Xalidə Əlisoyun sədrliyi ilə baxılacaq.
Qlobal.az
