Meyvəçilik və Çayçılıq Elmi-Tədqiqat İnstitutunun şübhəli satınalmaları

SON XƏBƏR

Prezident bu mərkəzləri ləğv etdi (SƏRƏNCAM)Prezident İlham Əliyev Azərbaycan Dövlət Tərcümə Mərkəzinin və Azərbaycan Respublikasının Dövlət Dil Komissiyası yanında Monitorinq Mərkəzinin ləğv edilməsi haqqında Sərəncam imzalayıb. Sərəncamda ..
Əli Əsədov bu qaydaya dəyişiklik etdi"Dövlət sərhədini pozan hava gəmilərinə və uçuş aparatlarına qarşı hava hücumundan müdafiə qoşunlarının növbətçi qüvvə və döyüş texnikasının tətbiq edilməsi Qaydaları"nda dəyişiklik edilib. Bu barə..
Azərbaycan-Pakistan hərbi əməkdaşlığının genişləndirilməsi müzakirə olunubPakistan İslam Respublikasında səfərdə olan Azərbaycan Ordusunun Baş Qərargah rəisi general-polkovnik Kərim Vəliyev Kəraçi şəhərində bu ölkənin Silahlı Qüvvələrinin Quru Qoşunları komandanı general As..
Komitə sədri pensiyaların nə qədər artacağını açıqladıDövlət Sosial Müdafiə Fondunun xərclərindən danışarkən qeyd etmək lazımdır ki, fondun gələn ilə proqnozlaşdırılan ümumi xərclərinin 96,52%-ni və ya 7 milyard 408 milyon manatını əhaliyə ödənişlər təşk..
Heydər Əliyev Sarayında “Nəsimi” operasının premyerası keçirildiNoyabrın 20-də Heydər əliyev Sarayında Mədəniyyət Nazirliyinin dəstəyi ilə Azərbaycan Dövlət Akademik Opera ve Bale Tiyatrosu'nun təqdimatında dahi Azərbaycan şairi ve mütəfəkkiri İmadəddin Nəsiminin ..
Azərbaycan futbolunda bir oyunda 20 qol vuruldu1-сi Liqanın 8-ci turunun hazırlığını davam etdirən "Qəbələ” yoxlama oyunu keçirib. Qaynarinfo əbər verir ki, "qırmızı-qaralar” Ağcabədinin "Olimpiya” komandası ilə üz-üzə gəlib. Region Liqası t..
Şotlandiya parlamentindən COP29-un sülh çağırışına və Azərbaycanın təşəbbüslərinə dəstəkŞotlandiya Parlamentində "COP29-un sülh quruculuğu səyləri və COP Atəşkəs təşəbbüsü" adlı qətnamə irəli sürülüb. "Report” xəbər verir ki, parlamentin rəsmi internet səhifəsində yerləşdirilən qətnam..
"BMT Təhlükəsizlik Şurasının üzvləri arasında konsensus çatışmazlığı var" - DüjarrikBMT Təhlükəsizlik Şurasının üzvləri arasında konsensus çatışmazlığı var. "Report” xəbər verir ki, bunu BMT Baş katibinin rəsmi nümayəndəsi Stefan Düjarrik Qəzza zolağında atəşkəsin dayandır..
Valideynlərin nəzərinə: Uşaqlar arasında təhlükəli virus yayılıbUşaqlar arasında təhlükəli virus yayılıb. Xezerxeber.az-ın məlumatına görə, əsasən 5-15 yaş aralığında uşaqların çox yoluxduğu virus qripə oxşar simptomlarla müşayət olunduğundan valideynlər arasın..
BMT Baş katibi Azərbaycana səfərə gəldiBirləşmiş Millətlər Təşkilatının Baş katibi Antonio Quterreş noyabrın 21-də BMT-nin İqlim Dəyişikliyi üzrə çərçivə Konvensiyasının Tərəflər Konfransının 29-cu sessiyasında (COP29) iştirak etmək məqsəd..

Meyvəçilik və Çayçılıq Elmi-Tədqiqat İnstitutunun şübhəli satınalmaları - Qalib MMC-lər kimindir?

Dekabr 07

09:15 2023

Kənd Təsərrüfatı Nazirliyinin Meyvəçilik və Çayçılıq Elmi-Tədqiqat İnstitutu 2023-cü ilin noyabr ayının 22-də "Meyvə tinglərinin satın alınması" lotu üzrə sifarişçi olduğu satınalmaya yekun vurub.

Qlobal.az xəbər verir ki, bu satınalmanın məbləği 24.125 manat təşkil edib.

İnstitutut sifarişçi olduğu satınalmada "DONNE KIDS" Məhdud Məsuliyyətli Cəmiyyətini qalib elan edib.

"DONNE KIDS" MMC 2023-cü ilin may ayında təsis edilib. Şirkətin hüquqi ünvanı Bakı şəhəri, Sabunçu rayonu ev 43, qanuni təmsilçisi isə Sadıqova İnci İntiqam qızıdır.

"DONNE KIDS" MMC-nin fəaliyyət profili, uyğunluq sertifikatları, maddi bazası, faktiki ünvanı barədə açıq internet resurslarında məlumata rast gəlinmir.

Meyvəçilik və Çayçılıq Elmi-Tədqiqat İnstitutu daha bir şübhəli satınalmanı 2023-cü ilin avqust ayının 21-də keçirib.

"Dəftərxana və təsərrüfat mallarının satın alınması" lotu üzrə keçirilən bu satınalmanın məbləği 11.448 manat, qalibi isə "BLUE DİAMOND" Məhdud Məsuliyyətli Cəmiyyəti olub.

"BLUE DİAMOND" MMC 2022-ci ilin aprel ayında dövlət qeydiyyatına alınıb.

"BLUE DİAMOND" MMC-nin hüquqi ünvanı Zərdab rayonu, Azərbaycan küçəsi ev 19, mənzil 6, qanuni təmsilçisi isə Məmmədova Almaz Xidmət qızıdır.

"BLUE DİAMOND" MMC-nin də maddi bazası, fəaliyyət profili, faktiki ünvanı və digər göstəriciləri barədə açıq internet resurslarında məlumat yoxdur.

Azərbaycanda fəaliyyət göstərən bəzi dövlət qurumlarının sifarişçi olduqları satınalmaları tanış təşkilatlara verdikləri barədə mediada kifayət qədər yazılıb.

Maraqlıdır ki, Meyvəçilik və Çayçılıq Elmi-Tədqiqat İnstitutunun sifarişçi olduğu satınalmalara nəzər yetirərkən də belə fakta rast gəlinir.

İnstitut 2022-ci ilin sentyabr ayının 30-da "Qərzəkli meyvə bitkilərinin in vitro üsulu ilə çoxaldılması texnologiyasının elmi əsaslarının işlənməsinin satın alınması" lotu üzrə satınalma keçirib. Bu satınalmanın məbləği 69.561 manat, qalibi isə "Agrodev" Məhdud Məsuliyyətli Cəmiyyəti olub.

"Agrodev" MMC Meyvəçilik və Çayçılıq Elmi-Tədqiqat İnstitutuna heç də yad təşkilat deyil.

Yerli mediada yazılanlara görə bu MMC-nin qanuni təmsilçisi Nəbiyev Elvin Bahəddin oğlu eyni zamanda sifarişçi təşkilat olan Meyvəçilik və Çayçılıq Elmi-Tədqiqat İnstitutunun tabeliyində olduğu Kənd Təsərrüfatı Nazirliyinin nəzdində olan bir sıra təşkilatlarda rəsmi vəzifə tutur.

"AgroDev" MMC-nin rəhbəri Elvin Nəbiyev eyni zamanda "OXFHAM” təşkilatının kənd təsərrüfatı layihələri üzrə rəhbəri, eyni zamanda Aqrar Məşğulluğun Artırılması Layihəsinin (AMAL) rəhbəridir.

Elvin Nəbiyev

"AgroDev" MMC Kənd Təsərrüfatı Nazirliyinin tabeliyində fəaliyyət göstərən bir çox qurumların tenderlərində qalib edilib. Meyvəçilik və Çayçılıq Elmi-Tədqiqat İnstitutu da 2022-ci ilin sentyabr ayının 30-da yekun vurduğu satınalmada bu şirkəti qalib edib.

Qlobal.az mövzu ilə bağlı Meyvəçilik və Çayçılıq Elmi-Tədqiqat İnstitutundan mövqe öyrənib. İnstitutdan verilən cavabda deyilir: "Dövlət satınalmalar haqqında” qanununa müvafiq olaraq Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin nəzarəti altında həyata keçirilir".

Meyvəçilik və Çayçılıq Elmi-Tədqiqat İnstitutun fəaliyyəti ilə bağlı Hesablama Palatasından da mövqe öyrənilib: "Hesablama Palatası Meyvəçilik və Çayçılıq Elmi-Tədqiqat İnstitutunda 2022-2023-cü illərdə audit həyata keçirilməyib-"deyə, Hesablama Palatası bildirib.

Meyvəçilik və Çayçılıq Elmi-Tədqiqat İnstitutu 1926-cı ildə yaradılıb. İnstitut Quba rayonunun Zərdabi qəsəbəsində yerləşir. İnstitutun Lənkəran, Abşeron, Qəbələ, Göyçay və Zaqatala rayonlarında filifal, stansiya və dayaq məntəqələri var. Elmi müəssisənin istifsadəsində ümumilikdə 662 hektar torpaq var.

İlham Qaraqurbanlı

Meyvəçilik və Çayçılıq Elmi-Tədqiqat İnstitutunun direktoru İlham Qaraqurbanlıdır.

O, 2015-ci ildən Kənd Təsərrüfatı Nazirliyin Meyvəçilik və Çayçılıq Elmi-Tədqiqat İnstitutunun direktoru vəzifəsində işləyir.

Cahandar Laçınlı

Qlobal.az