Mingəçevir teatrında iki tamaşa nümayişə hazırlanır
Fevral 12
14:26
2016
Mingəçevir Dövlət Dram Teatrında Tanınmış rus yazarı H.V.Qoqolun "Müfəttiş” əsəri nümayişə hazırlanır. Əsərə Mingəçevir Dövlət Dram Teatrının baş rejissoru Xəzər Gəncəli quruluş verir.
Müəllif bu əsərdəki qəsəbəni "Ruhumuzun qaranlıq şəhəri” - deyə təsvir edir.
Onun çirkinliklərini,bayağılıqlarını ortaya tökmək lüzümuna inanır. Bunun da gerçək bir müfəttişlə, yəni özümüz – özümüzü satira atəşinə tutaraq,iynəliyərək bu qaranlıq şəhərə girməyin mümkün olacağını söyləyir.
Qoqolun satirası büsbütün ,insanları bu vəziyyətə gətirib çıxaran mühitə qarşı çevrilmişdir.Tamaşada teatrın sevilən aktyorları Akif Mirabov ( əməkdar artist), Ella Yaqubova (əməkdar artist), Şıxı Yaqubov (əməkdar artist) ,Aydın Quliyev,Elmira İbrahimova, Fəridə Məmmədova,Asim Əmirov, Firuz Hacıyev, Hüseyn Mustafayev, Qabil İbrahimli, Asim Məmmədov və Eyvaz Əliyev rol almışlar.
Tamaşanın aprel ayının sonlarına təhvil verilməsi planlaşdırılır.
Mingəçevir Teatrında uşaqlar üçün də yeni tamaşa nümayişə hazırlanır. Tamaşanın adı ”İncəbel və Div” adlanır.Tamaşada rol alan aktyorlar gənclərdir.Tamaşada həmçinin "İnam” studiyasının tələbələridə rol almışlar. Tamaşada Fəridə Məmmədova, Nargilə Abdullayeva, Elmira İbrahimova,Ruhəngiz Abdullayeva, Amil Fərzəliyev, Hüseyn Mustafayev, Aytən Allahverdiyeva, Asim Əmirov, Elvin Əkbərli, Paşa Salmanov,Firuz Hacıyev, Asim Məmmədov və Aydın Əhmədov iştirak edirlər.
Tamaşanın Quruluşçu rejissoru Respublikanın xalq artisti Ağaxan Salmanlı,rejissor asistenti Xəyalə Qəmbərova , quruluşçu rəssam Ləman Salmanlı,musiqi tərtibatı Elnur Rəsulovdur. Tamaşa mart ayının əvvələrində balaca tamaşaçıların ixtiyarına veriləcək.
Qlobal.az
