NATO-ya üzv olan ölkələr hərbi xərcləri artırmağa razılaşıblar – REUTERS
İyul 08
06:01
2023
NATO müttəfiqləri alyansın hərbi xərclər üzrə hədəfini milli ÜDM-in ən azı 2%-nə qaldırmaq barədə razılığa gəliblər.
"AzPolitika.info” xəbər verir ki, bu barədə "Reuters” diplomatik mənbələrdən məlumat alıb.
Gələn həftənin çərşənbə axşamı və çərşənbə günü Vilnüsdə keçiriləcək NATO-nun ikigünlük sammiti ərəfəsində yeni xərclər hədəfi ilə bağlı razılıq həll edilməmiş məsələlərdən biri idi.
2023-cü ildə hətta köhnə hədəfə NATO-nun hesablamalarına görə, alyansın 31 üzvündən yalnız 11-i çatacaq. Məqsəd 2014-cü ildə, NATO liderləri on il ərzində müdafiə xərclərini ÜDM-nin 2%-i qədər artırmağa razılaşdıqda qoyulmuşdu.
Anonimlik şərti ilə danışan iki diplomat Almaniyanın DPA xəbər agentliyinin əvvəlki hesabatını təsdiqləyərək, 31 müttəfiqin gələcəkdə öz ÜDM-lərinin "ən azı 2%-ni ordularına sərmayə etmək üçün davamlı öhdəlik" üzərində razılaşdıqlarını söyləyib.
NATO-nun Baş Katibi Yens Stoltenberq NATO-nun hazırkı hərbi xərclərini milli ÜDM-in 2%-i həcmində olmasını minimum tələb kimi hədəflədiyini bildirmişdi.
