Oliqarxın “Çelsi”nin satışından əldə etdiyi pullar dondurulub
İyun 19
12:30
2023
Biznesmen Roman Abramoviç "Çelsi” futbol klubunun satışından əldə etdiyi vəsaiti hələ ki, Ukraynaya Yardım Fonduna köçürməyib.
"AzPolitika.info” xəbər verir ki, bubarədə Britaniyanın"DailyMail” nəşriyazıb. Mənbələrin bildirdiyinə görə, Abramoviç Ukraynaya yardım fonduna vəsait köçürmək üçün müqavilə imzalamaqdan imtina edərək, "Çelsi”nin satışından əldə olunan 2,3 milyard funt-sterlinqin bir hissəsinin müharibədən əziyyət çəkən ruslara göndərilməsində israr edir.
Vəsaitlərin humanitar fonda köçürülməsi London klubunu satmaq üçün sövdələşmənin tamamlanmasının şərtlərindən biri idi. Müqavilə bu ilin yanvarında bağlanıb, lakin klubun satılması ilə bağlı danışıqlar hələ Abramoviç Rusiyanın Ukraynadakı müharibəsinə görə sanksiyalar siyahısına düşməmişdən əvvəl başlayıb. Rusiyalı oliqarx 20 ildir ki, klubun sahibidir.
Vəsaitlərin bir hissəsini rusların ehtiyaclarına göndərmək imkanı, "Daily Mail”in qeyd etdiyi kimi, nə sövdələşmənin şərtlərində, nə də sanksiyalar rejimində nəzərdə tutulub. Qəzet hökumətdəki mənbələrə istinadən yazır ki, Böyük Britaniya hökuməti və Avropa Komissiyası Rusiyaya qarşı sanksiyaların mövcud olduğu bir vaxtda ruslara vəsaitin köçürülməsinə razı ola bilməz.
2,3 milyard funt-sterlinq Abramoviçin şirkətlərindən birinin dondurulmuş hesabında qalır. Onları istənilən yerə köçürmək üçün Britaniya Xarici İşlər Nazirliyinin icazəsi tələb olunur.
Bundan əvvəl Britaniyanın "The Guardian” nəşri yazmışdı ki, müharibə başlamazdan üç ay əvvəl Abramoviç öz əmlakını benefisiarları öz uşaqları olan trestlərə verib. Belə ki, oliqarxa qarşı tətbiq edilən sanksiyalar yalnız onun əmlakının bir hissəsinə şamil edilib. Abramoviçin yeddi övladı var, onlardan ən kiçiyinin 9 yaşındadır. Onların hamısı etimadlar sayəsində ən azı dörd milyard dollar dəyərində aktivlərə çıxış əldə ediblər.
Roman Abramoviçə qarşı sanksiyalar onun Kremlə yaxınlığına görə tətbiq edilib. Abramoviç israr edir ki, onlar heç bir əsası yoxdur. İş adamı ötən ilin fevral-mart aylarında Rusiyanın Ukraynaya genişmiqyaslı müdaxiləsindən sonra uğursuz Rusiya-Ukrayna danışıqlarında, eləcə də əsirlərin dəyişdirilməsi ilə bağlı danışıqlarda iştirak edib.
