Priqojin niyə geri çəkildi? - “Bu hələ flimin sonu deyil, açıq qalan suallar var"
İyun 25
11:10
2023
"Kreml sahibi Vladimir Putin hər zaman Rusiyanın böyüklüyündən danışıb, ancaq hazırda elə bir vəziyyətə düşüb ki, belaruslu həmkarı Aleksandr Lukaşenkondan Priqojinlə əlaqə saxlamasını xahiş edib. Əslində bu durum Putinin Rusiyanın suverenliyini şübhə altına almasının etirafıdır”.
"AzPolitika.info” xəbər verir ki, bunu politoloq Elxan Şahinoğlu Rusiyada "Vaqner” qiyamının nəticələrini şərh edərkən deyib.
Ekspert xatırladır ki, Putinin Priqojinin yanına göndərdiyi generallar "Vaqner” rəhbərini yol gətirə bilmədilər: "Priqojin onları alçaldaraq yola saldı. Belə olan halda Putin Lukaşenkoya möhtac qaldı. Priqojin Lukaşenko ilə telefon danışığından sonra qüvvələrini geri çəkdiyini elan edib, ancaq bu hələ flimin sonu deyil, açıq qalan suallar var:
1.Putinin Priqojin əleyhinə qaldırdığı cinayət işi xətm olunacaqmı, yoxsa qüvvədə qalacaq? (artıq cinayət işi xətm olunacağı bəyan edilib – red.)
3."Vaqner” müqavilə imzalamasa tərksilah olunacaqmı və bu necə həyata keçiriləcək?
3.Priqojin başının dəstəsiylə Ukraynaya qarşı müharibəni davam etdirəcəkmi?”
E.Şahinoğlunun sözlərinə görə, Priqojin aşpaz və muzdlu qruplaşma rəhbəri olmaqla yanaşı həm də manipulyasiya ustasıdır.
