Putin NATO-nu hədələdi
Dekabr 27
00:02
2021
Əgər ABŞ və NATO Rusiyaya təhlükəsizlik zəmanəti verməkdən imtina edərsə, Moskvanın cavabı çox fərqli ola bilər.
Bunu bu gün "Rossiya-1” telekanalının efirində Rusiya prezidenti Vladimir Putin deyib.
"Bu, çox fərqli ola bilər. Bu, hərbi ekspertlərimizin mənə verəcəyi təkliflərdən asılı olacaq”, – deyə Rusiya dövlət başçısı bildirib.
Eyni zamanda, prezident vurğulayıb ki, Rusiya bu məsələ ilə bağlı danışıqların müsbət nəticələrinə nail olmağa çalışacaq: "Ümid edirəm ki, baş verənlərə baxmayaraq, biz bu təklifi diplomatik proses nöqteyi-nəzərindən nəyisə qaralmaq və dayandırmaq üçün etməmişik, diplomatik danışıqların nəticəsini əldə etmək üçün qeyd etmişik. Biz qanuni olaraq təklif etdiyimiz sənədlər çərçivəsində çalışacağıq”, – deyə Putin əlavə edib.
Rusiya liderinin dekabrın 23-də keçirdiyi mətbuat konfransında dediyi kimi, Moskvanın bundan sonrakı addımları ABŞ-la təhlükəsizlik zəmanətləri üzrə danışıqların gedişindən deyil, "bu gün və tarixi perspektiv üçün” Rusiyanın təhlükəsizliyinin qeyd-şərtsiz təmin edilməsindən asılı olacaq. Putinin sözlərinə görə, bununla bağlı Rusiya tərəfi "aydın şəkildə” "NATO-nun şərqdə sonrakı hərəkətinin qəbuledilməz olduğunu” açıqlayıb.
(Bizimyol.info)
