Qəzənfər Ağayev Astara şəhərini kimlərin əli ilə “abadlaşdırır” – ARAŞDIRMA
May 24
13:43
2022
Qəzənfər Ağayevin Astara rayon İcra Hakimiyyətinin başçısı vəzifəsinə təyin edilməsinin 10 ili aprel ayında tamam olub. Ona qədər o, 6 il Masallı rayonunun İcra Hakimiyyətinə başçılıq edib. Bu rayonlarda Qəzənfər Ağayev gördüyü hansı işlərlə yadda qalıb, deyə bilmərik. Amma "Azərbaycan Respublikası regionlarının 2008-2014 və 2014 – 2018-ci illərdə sosial-iqtisadi inkişafına dair Dövlət Proqramı” çərçivəsində sözügedən rayonlara ayrılan dövlət vəsaitlərinin talan edilməsində Qəzənfər Ağayev bu rayonların sakinlərinin yaddaşında daim qalacaq.
Qəzənfər Ağayev Masallıda kəsdirdiyi ağaclarla, sökdürdüyü bazarla, bərbad yollarla və daha bir çox əməlləri ilə bir iz qoyub Astaraya gedib. Astarada isə cənub zonasında ən gözəl istirahət yerlərindən birinə çevrilən dənizkənarı bulvar yaratdığını deyirlər. Bir də rayonun dağ kəndlərinin bərbad yollarını çəkdirdiyini, Astara şəhərini abadlaşdırdığını yazırlar. Biz də elə sonuncudan, Astara şəhərini abadlaşdırılmasından başladıq.
Aktualinfo.org Astara rayon İcra Hakimiyyəti başçısısının Astara şəhəri üzrə Nümayəndəliyi tərəfindən keçirilmiş tender və kotirovka sorğusu prosedurları ətrafında araşdırmalar apardıq. Məlum oldu ki, Astara şəhəri üzrə İcra Nümayəndəliyinin Tender Komissiyası tərəfindən keçirilmiş tender prosedurlarında ciddi qanun pozuntularına yol verilib,"Dövlət Satınalmaları Haqqında” Azərbaycan Respublikası Qanununun tələblərinə əməl edilməyib.
Belə ki, Qəzənfər Ağayevin Astara şəhəri üzrə Nümayəndəliyinin Tender Komissiyası tərəfindən keçirilmiş tender və kotirovka sorğularının nətcələri barədə dövlət satınalmalarının vahid internet portalının bazasına heç bir məlumat yerləşdirməyib. Elə bu məsələyə aydınlıq gətirmək məqsədi ilə Astara şəhəri üzrə Nümayəndəliyinin Tender Komissiyasına ünvanladığımız sorğuya cavab olaraq bildirilir ki, Nümayəndəlik tender və kotirovkaların keçirilməsində "Dövlət Satınalmaları Haqqında” Azərbaycan Respublikası Qanununun tələblərinə əməl edilmişdir.
Amma necə əməl ediblərsə son iki il ərzində keçirilmiş tender və kotirovkalar haqqında dövlət satınalmalarının vahid internet portalında bazasına heç bir məlumat yoxdu. Halbuki "Dövlət Satınalmaları Haqqında” Azərbaycan Respublikası Qanununun 5-ci maddəsinə görə tender nəticəsində bağlanmış satınalma müqaviləsi barədə məlumat 5 bank günü ərzində tender haqqında elanın verildiyi mətbuat orqanında dərc etdirilir və rəsmi internet saytında yerləşdirilir.
Bəs Astara rayon İcra Hakimiyyəti başçısısının Astara şəhəri üzrə Nümayəndəliyi qanunun bu tələbinə niyə əməl etməyib. Redaksiyamızın sorğusuna cavab məktubunda isə yalnız satınalma müqavilələri bağlanılan MMC-lərin adları açıqlanıb, amma görülmüş xidmətlərin müqabilində ayrılmış məbləğ açıqlanmayıb. Bu isə bir sıra şübhələrə yol açır. Öncə Astara şəhəri üzrə Nümayəndəliyinin keçirmiş olduğu kotirovka sorğularını diqqətinizə çatdırırıq.
Astara rayon İcra Hakimiyyəti başçısının Astara şəhər inzibati ərazi dairəsi üzrə nümayəndəliyi elektrik mallarının alınması və quraşdarılmasının satınalınması üzrə 14.10.2021 tarixdə elan etdiyi kotirovka sorğusunun qalibi "NN Təmir Tikinti İnşaat” MMC olaraq qeydə alınmış və 23.11.2021-ci il tarixdə satınalınması müqaviləsi bağlanmışdır.
Astara rayon İcra Hakimiyyəti başçısının Astara şəhər inzibati ərazi dairəsi üzrə nümayəndəliyi 3 saylı körpələr evi- uşaq bağçasını əsaslı təmir işləri görülməsi üzrə 13.08.2021-ci il tarixdə elan etdiyi kotirovka sorğusunun qalibi "NN Təmir Tikinti İnşaat”MMC olaraq qeydə alınmış 28.10.2021-ci il tarixdə satınalınması müqaviləsi bağlanmışdır.
Kommersiya qurumunun hüquqi şəxslərin dövlət reyestrinə daxil edilmiş məlumatlarında "NN TƏMİR TİKİNTİ İNŞAAT” Məhdud Məsuliyyətli Cəmiyyətinin 17.11.2020-ci il tarixdə İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının ASTARA RAYONU, VAQO, qanuni təmsilçisi kimi isə Vahabov Alim Xanoğlan oğlu qeyd olunub.
Astara rayon İcra Hakimiyyəti başçısının Astara şəhər inzibati ərzi dairəsi üzrə nümayəndəliyi 3 saylı körpələr evi- uşaq bağçasını əsaslı təmir işləri görülməsi üzrə 30.03.2021-ci il tarixdə elan etdiyi kotirovka sorğusunun qalibi "M- Təmir Tikinti İnşaat” MMC olaraq qeydə alınmış və 05.05.2021-ci il tarixdə satınalınması müqaviləsi bağlanmışdır.
Astara rayon İcra Hakimiyyəti başçısının Astara şəhər inzibati ərazi dairəsi üzrə nümayəndəliyi 3 saylı körpələr evi- uşaq bağçasını əsaslı təmir işləri görülməsi üzrə 25.08.2020-ci il tarixdə elan etdiyi kotirovka sorğusunun qalibi "İnşaatçılar-Astara” MMC olaraq qeydə alınmış və 02.10.2020 -ci il tarixdə satınalınması müqaviləsi bağlanmışdır.
Astara rayon İcra Hakimiyyəti başçısının Astara şəhər inzibati ərazi dairəsi üzrə nümayəndəliyi 3 saylı körpələr evi- uşaq bağçasını əsaslı təmir işləri görülməsi üzrə 06.07.2020 -ci il tarixdə elan etdiyi kotirovka sorğusunun qalibi "İnşaatçılar-Astara” MMC olaraq qeydə alınmış və 02.10.2020 -ci il tarixdə satınalınması müqaviləsi bağlanmışdır.
Kommersiya qurumunun hüquqi şəxslərin dövlət reyestrinə daxil edilmiş məlumatlarında "İNŞAATÇILAR-ASTARA” Məhdud Məsuliyyətli Cəmiyyətinin 10.05.2013-cü il tarixdə İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının ASTARA RAYONU, ASTARA ŞƏHƏRİ, HEYDƏR ƏLİYEV, ev 263, qanuni təmsilçisi kimi isə Hacıyev İkrət Yədulla oğlu qeyd olunub.
Qeyd edək ki, Hacıyev İkrət Yədulla oğlu həm də "TƏMİR-2013” Məhdud Məsuliyyətli Cəmiyyətinin qanuni təmsilçisidir. Onun adı 2016-ci ildə vergi borcuna görə ölkədən getmə hüququ məhdudlaşdırılmış hüquqi şəxslərin siyahısında yer alıb.
Astara rayon İcra Hakimiyyəti başçısının Astara şəhər inzibati ərazi dairəsi üzrə nümayəndəliyi elektrik mallarının alınması və quraşdarılmasının satınalınması üzrə 04.02.2020 tarixdə elan etdiyi kotirovka sorğusunun qalibi "M Təmir Tikinti İnşaat” MMC olaraq qeydə alınmış və 02.04.2020 -ci il tarixdə satınalınması müqaviləsi bağlanmışdır.
Kommersiya qurumunun hüquqi şəxslərin dövlət reyestrinə daxil edilmiş məlumatlarında "M-TƏMİR TİKİNTİ İNŞAAT” Məhdud Məsuliyyətli Cəmiyyətinin 14.03.2016-cı il tarixdə İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının ASTARA RAYONU, KİJƏBƏ ŞTQ, qanuni təmsilçisi kimi isə Muradov Amal Əbülhəsən oğlu qeyd olunub.
Qeyd edək ki, bu MMC-lər təkcə Astara şəhər inzibati ərazi dairəsi üzrə nümayəndəliyinin deyil, həm də Astara rayon İcra Hakimiyyəti başçısının Ərçivan, Kijəbə və Suparibağ inzibati ərazi dairəsi üzrə nümayəndəliklərinin də keçirdikləri kotirovka sorğularının qalibləri olublar. Məsələn, "İNŞAATÇILAR-ASTARA” Məhdud Məsuliyyətli Cəmiyyəti Suparıbağ kənd Uşaq baxçasında əsaslı təmir işlərinin aparılması üzrə keçirilmiş kotirovka sorğusunda 20000 manat məbləğində satınalma müqaviləsini 30.05.2019-cu ildə bağlayıb. O cümlədən Ərçivan qəsəbəsi ərazisində abadlıq işlərinin görülməsi üzrə 39 000 manat məbləğində satınalma müqaviləsini 29.05.2019-cu ildə bağlayıb.
"NN TƏMİR TİKİNTİ İNŞAAT” Məhdud Məsuliyyətli Cəmiyyəti isə Kijəbə qəsəbəsi ərazisində abadlıq işlərinin görülməsi üzrə 78 623 manat məbləğində satınalma müqaviləsini 27.08.2021-ci ildə bağlayıb.
Bu MMC-nin qanuni təmsilçisi olan Vahabov Alim Xanoğlan oğlu həm də Astara şəhəri ərazisində ictimai yaşayış binalarının əsaslı təmiri üzrə keçirilmiş tenderin qalibi olmuş "QOŞQAR M” Məhdud Məsuliyyətli Cəmiyyətinin qanuni təmsilçidir. MMC ilə Astara rayon İcra Hakimiyyəti arasında sözügedən xidmət üçün 98 519.82 manat məbləğində satınalma müqaviləsi 09.06.2020-ci il tarixdə bağlanılıb.
"M-TƏMİR TİKİNTİ İNŞAAT” Məhdud Məsuliyyətli Cəmiyyəti isə Astara rayon İcra Hakimiyyətinin inzibati binasının cari təmiri üzrə keçirilmiş kotirovka sorğusunda qalib olub və 5 144.7 manat məbləğində satınalma müqaviləsini 07.12.2020-ci ildə bağlayıb. MMC-nin qalibi olduğu digər kotirovka isə Astara şəhərində abadlıq işlərinin satınalınması ilə bağlıdır. Bu kotirovkada isə MMC ilə 18.05.2020-ci il tarixində 69 002 manat məbləğində satınalma müqaviləsi bağlanılıb.
Bu MMC-nin qanuni təmsilçisi olan həm də Astara şəhərində ictimai yaşayış binalarının əsaslı təmiri üzrə keçirilmiş tenderin qalibi olmuş "AMALLI TƏMİR” Məhdud Məsuliyyətli Cəmiyyətinin qanuni təmsilçidir. MMC ilə Astara rayon İcra Hakimiyyəti arasında sözügedən xidmət üçün 88 691.4 manat məbləğində satınalma müqaviləsi 08.06.2021-ci il tarixdə bağlanılıb.
Muradov Amal Əbülhəsən oğlu həm də "RUHİN-M” Məhdud Məsuliyyətli Cəmiyyətinin qanuni təmsilçidir. MMC ilə Astara rayon İcra Hakimiyyəti arasında mənzil fondunun əsaslı təmiri işləri üzrə 152 742 manat məbləğində satınalma müqaviləsi 19.03.2018-ci il tarixdə bağlanılıb.
Dövlət satınalmalarının vahid internet portalında yerləşdirilmiş məlumatlardan da görsəndiyi kimi Astara şəhər inzibati ərazi dairəsi üzrə nümayəndəliyi 3 saylı körpələr evi- uşaq bağçasını əsaslı təmir işləri görülməsi üzrə 2020-2021-ci illərdə 4 kotirovka sorğusu keçirib.Bu məqsədlə nə qədər vəsaitin ayrıldığı bəlli deyil. Həmçinin Astara şəhər inzibati ərazi dairəsi üzrə nümayəndəliyinin 2 və 4 saylı körpələr evi- uşaq bağçalarında təmir işlərinin görülməsinə nə qədər vəsait ayırdığı da bəlli olmur. Halbuki bu məqsədlə kotirovka sorğusu elanı verilib, lakin nəticələri qanunun tələb etdiyi qaydad açıqlanmayıb.
