Rusiyadan radioaktiv maddəni çıxarmağa cəhd edən 5 nəfər saxlanılıb
İyun 23
11:14
2023
Rusiya Federal Təhlükəsizlik Xidməti çəkisi bir kiloqram olan "Sezium-137" radioaktiv maddəni ölkədən çıxarmağa cəhd edən 5 nəfəri saxlayıb.
"Report” xəbər verir ki, məlumatı Xidmətin İctimaiyyətlə Əlaqələr Mərkəzi yayıb.
Bildirilib ki, Rusiya qanunlarına əsasən, "Sezium-137" iztopunun ölkədən çıxarılması qadağandır.
Məlumata görə, bu radioaktiv maddənin 1 kq-ı 3 500 000 dollar dəyərindədir.
İnformasiyaya əsasən, "Sezium-137"dən "çirkli bomba” üçün "içlik” hazırlanmasında istifadə olunur.
