Yeni hakimlər kimlərin ailə üzvləridir?
Oktyabr 11
18:37
2023
Prezidentin sərəncamı ilə bir sıra birinci instansiya məhkəmələrinə yeni hakimlər təyin edilib.
O, daha əvvəl KOBİA-nın Daxili audit şöbəsində də fəaliyyət göstərib.
"Qafqazinfo” xəbər verir ki, hakim təyin edilən şəxslərin təxminən yarısının (17 hakimdən 7-si) qadın olması diqqəti çəkir.
Məlumata görə, hakim təyin edilən xanımlardan bəziləri tanınmış şəxslərin ailə üzvləridir.
Dövlət başçısının sərəncamı ilə Suraxanı Rayon Məhkəməsinin hakimi təyin edilən Fəridə Rzayeva Balakən Rayon İcra Hakimiyyətinin başçısı İslam Rzayevin qızıdır.
O, daha əvvəl vəkillik fəaliyyəti ilə məşğul olurmuş.
Nəsimi Rayon Məhkəməsinin hakimi təyin olunan Vüsalə Musayeva isə Daxili İşlər Nazirliyinin Mətbuat xidmətinin əməkdaşı, polis mayoru Anar Qafarovun həyat yoldaşıdır.
V.Musayeva daha əvvəl 9 il Bakı şəhəri 6 saylı Vəkil Bürosunda fəaliyyət göstərib.
Bundan başqa Göyçay Rayon Məhkəməsinin hakimi təyin edilən Liza Xanməmmədova Salyan Şəhər Bələdiyyəsinin sədri Əliəşrəf Xanməmmədovun qızıdır.
O, daha əvvəl Ədliyyə Nazirliyinin İnsan hüquqları və ictimaiyyətlə əlaqələr idarəsində aparıcı məsləhətçi vəzifəsində də çalışıb.
Ağdaş Rayon Məhkəməsinin hakimi təyin edilən Aygün Mürsəlova isə daha əvvəl Gəncə Hərbi Məhkəməsində çalışıb.
Qlobal.az
