Zaqatalanın xurma bağlarında məhsul yığımına başlanılıb
Noyabr 02
00:49
2016
Zaqatala rayonunda 346 hektar xurma bağı var. Bu bağların 289 hektarı barverəndir. Hər il xurma bağlarından 5 min tondan artıq məhsul götürülür. İstehsal olunan xurma satış üçün daxili bazarla yanaşı, Rusiya bazarlarına da göndərilir.
Rayon icra hakimiyyətindən AZƏRTAC-a bildiriblər ki, xurma bağlarında artıq məhsul yığımına başlanılıb. Hazırda 9-11 kiloqramlıq xurma yeşiyinin qiyməti 2-3 manat arasında dəyişir.
Ötən il rayonun xurma bağlarından 5238 ton məhsul götürülüb. Bu il də rayonda xurma istehsalının 5 min tondan çox olacağı proqnozlaşdırılır.
