Bakı Təhsil İdarəsinin şübhəli tenderləri - Yüz minlər hara axıdılır?

SON XƏBƏR

ADY sədri jurnalistlərə pul paylayıb? – Açıqlama23 oktyabr 2024-cü il tarixində "Gələcək üçün dayanıqlı nəqliyyat” mövzusunda keçirilən tədbirdə "Azərbaycan Dəmir Yolları” QSC-nin ətraf mühit, sosial və idarəçilik sahəsində dayanıqlı nailiyyətlərin..
Bakıda COP29 zolaqlarına daxil olmaq qadağan edilibCOP29-la əlaqədar Bakıda daşımaların fasiləsizliyinin təmin edilməsi məqsədilə təşkil edilən xüsusi hərəkət zolaqlarına daxil olmaq qadağan edilib. Bu barədə "APA-Economics"ə Azərbaycan Yerüstü Nəq..
Pakistan Prezidenti Dubay hava limanında təyyarədən enərkən ayağını sındırıbPakistan Prezidenti Asif Əli Zərdari oktyabrın 30-da axşam Dubay Beynəlxalq Hava Limanında təyyarədən enərkən yıxılıb. "Report” xəbər verir ki, bu barədə "Dawn” qəzeti prezident katibliyinin mətbua..
Mehriban Əliyeva Talassemiya Mərkəzində olduAzərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva və ailə üzvləri oktyabrın 31-də Talassemiya Mərkəzində olublar. Səhiyyə naziri Teymur Musayev..
Yunanıstanda Makedoniyalı İskəndərin tunikası tapıldıDemokrit Universitetinin yunan arxeoloqları digər ölkələrdən olan həmkarlarının iştirakı ilə Vergina şəhərindəki kral məzarlarından birində tapılan tunikanın (Ağ yundan və kətandan qədim Roma geyimi) ..
"Nar" mobil rabitə təlimlərinə davam edir - FOTOMobil rabitə bazarında sərfəli təklifləri və təhsilə verdiyi önəmlə tanınan "Nar”, ölkədə rəqəmsal biliklərin inkişafını dəstəkləyən layihələrə davam edir. "Nar”ın korporativ sosial məsuliyyət strateg..
Şəhidin xanımı Bakı Sağlamlıq Mərkəzində əməliyyat olunubVətən müharibəsi şəhidi, polkovnik Sədi Musayevin xanımı, "Mənim oğlum qəhrəmandır!” layihəsinin koordinatoru Gülşad Musayeva Bakı Sağlamlıq Mərkəzində əməliyyat olunub. Mərkəzimizin ümumi cə..
"Azərkosmos"un ixrac gəlirləri 3,5% azalıbBu ilin yanvar-sentyabr aylarında Azərbaycan Respublikasının Kosmik Agentliyi (Azərkosmos) dünyanın 50 ölkəsinə 13,9 milyon ABŞ dolları dəyərində peyk telekommunikasiya xidmətləri ixrac edib. "APA-Ec..
"Mətanət A" şirkətində bədbəxt hadisə - "Azerlime"nin müdiri cəzalandırıldıQazax rayonunda yerləşən "Mətanət A" şirkətinə məxsus "Azerlime" əhəng istehsalı müəssisəsində bədbəxt hadisə baş verib. Qaynarinfo-nun məlumatına görə, müəssisədə çilingər kimi çalışan Ramin..
“Putin Şimali Koreyanın köməyilə də qalib gəlməyəcək” - OstinPentaqonun rəhbəri Lloyd Ostin əmindir ki, hətta Şimali Koreya qoşunlarının köməyə gəlməsi də Vladimir Putinin Ukraynaya qarşı açdığı müharibədə qalib gəlməsinə kömək etməyəcək. "AzPolitika” xəb..

Bakı Təhsil İdarəsinin şübhəli tenderləri - Yüz minlər hara axıdılır?

İyul 18

11:05 2023

Bakı Şəhəri üzrə Təhsil İdarəsi 2023-cü ilin iyul ayının 12-də "İstehlak yönlü müxtəlif xidmətlərin satın alınması" lotu üzrə sifarişçi olduğu satınalmaya yekun vurub.

Qlobal.az xəbər verir ki, bu satınalmanın məbləği 153.128 manat, qalibi isə "Formul" (Vöen: 1307189931) Məhdud Məsuliyyətli Cəmiyyəti olub.

Bakı Şəhəri üzrə Təhsil İdarəsinin sifarişçi olduğu satınalmada qalib elan etdiyi "Formul" MMC 2021-ci ilin iyun ayının 10-da dövlət qeydiyyatına alınıb. Şirkətin hüquqi ünvanı Bakı şəhəri, Yasamal rayonu, Mustafa Sübhi, ev 202, mənzil 14 ünvanı, qanuni təmsilçisi isə Əhmədov Cəlil Mirqiyas oğludur. "Formul" MMC-nin fəaliyyət profili, müvafiq lisenziyaları barədə açıq internet resurslarında məlumata rast gəlinmir.

Bakı Şəhəri üzrə Təhsil İdarəsi 2023-cü ilin iyul ayının 12-də "İstehlak yönlü müxtəlif xidmətlərin satın alınması" lotu üzrə sifarişçi olduğu satınalmada qalib elan etdiyi "Formul" MMC heç də sifarişçi müəssisəyə yad olan təşkilat deyil. "Formul" MMC-nin qanuni təmsilçisi Əhmədov Cəlil Mirqiyas oğlunun qanuni təmsilçisi olduğu daha bir MMC Bakı Şəhəri üzrə Təhsil İdarəsinin sifarişçi olduğu satınalmada qalib elan edilib.

Belə ki, Bakı Şəhəri üzrə Təhsil İdarəsinin 2022-ci ilin sentyabr ayının 29-da "Bakı Şəhəri üzrə Təhsil İdarəsi tərəfindən keçirilən müxtəlif tədbirlərin və layihələrin satın alınması" lotu üzrə sifarişçi olduğu satınalmaya yekun vurub. 94.926 manat smetası olan bu satınalmada "MACİS CONSULTİNG" (VÖEN: 2005840331) Məhdud Məsuliyyətli Cəmiyyəti qalib elan edilib.

"MACİS CONSULTİNG" MMC 2019-cu ilin sentyabr ayının 20-də dövlət qeydiyyatına alınıb. Şirkətin hüquqi ünvanı Bakı şəhəri, Xətai rayonu, Həsən Salmani, ev 17, mənzil 17, qanuni təmsilçisi isə Əhmədov Cəlil Mirqiyas oğludur.

Bakı Şəhəri üzrə Təhsil İdarəsi müxtəlif layihələr və tədbirlər təşkil edəcək "MACİS CONSULTİNG" MMC-nin də fəaliyyət profili, müvafiq lisenziyaları, işçi qüvvəsi, maddi bazası barədə açıq internet resurslarında məlumat yoxdur.

Fəaliyyət profilləri və lisenziyaları barədə açıq internet resurslarında məlumat olmayan, qanuni təmsilçisi eyni şəxs olan "Formul" və "MACİS CONSULTİNG" MMC-lərin Bakı Şəhəri üzrə Təhsil İdarəsinin iki lot üzrə ümumilikdə 248.054 manatlıq satınalmada qalib elan edilməsi bir sıra suallara yol açır.

Qlobal.az məsələ ilə bağlı Bakı Şəhəri üzrə Təhsil İdarəsindən mövqe öyrənib. İdarənin açıqlamasında deyilir:

"Hər iki müsabiqə "Dövlət satınalmaları haqqında” Azərbaycan Respublikası qanununa uyğun olaraq Dövlət satınalmalarının vahid internet portalı vasitəsilə keçirilmişdir. Sözügedən müsabiqələrdə iştirak edən iddiaçıların təqdim etdiyi bütün qiymət təklifləri tender komissiyası tərəfindən qiymətləndirildikdən sonra "Dövlət satınalmaları haqqında” Azərbaycan Respublikası qanununun 6-cı maddəsində göstərilən tələblərə uyğun gələn və ən sərfəli təkliflə çıxış edən şirkət (şirkətlər) qalib elan olunmuşdur. Tenderin nəticələri haqqında yekun protokol tərtib edildikdən sonra protokolun surəti "Dövlət satınalmaları haqqında” Azərbaycan Respublikası Qanununun 37.5-ci maddəsinin tələbinə əsasən müvafiq dövlət qurumlarında qeydə alınmışdır. Nəzərinizə çatdırırıq ki, keçirilən müsabiqələr barədə ictimaiyyətə açıq olan məlumatlar Dövlət satınalmalarının vahid internet portalının müvafiq bölmələrində yerləşdirilmişdir. Bundan əlavə, qanunvericiliyə əsasən müxtəlif illərdə və müxtəlif müsabiqələrdə iştirak edən şirkətlərin təsisçisinin eyni şəxs olması həmin şirkətlərin müsabiqələrdə iştirakını məhdudlaşdırmır. Müraciətinizdə qeyd olunan digər iddialar da tamamilə əsassızdır. Onu da qeyd etmək lazımdır ki, keçirilən tender prosedurlarında şəffaflıq və dövlət büdcəsinə qənaət edilməsi prinsipləri, eyni zamanda qanunvericiliyin tələbləri hər zaman diqqət mərkəzində saxlanılır".