Moskvada 39 ustanı işlətdilər pul vermədilər – Cümşüd, Rahib və Elvin Musayevlər
Oktyabr 30
11:33
2017
Qlobal.az-a Azərbaycanlı ustaların beynəlxalq
dələduz şəbəkə tərəfindən istismar olunduğu barədə məlumat daxil olub.
Məlumata görə, iş adamı Cümşüd Musayev və oğulları Rahib
və Elvin Musayevlər 39 nəfər ustanı aldadaraq rusiyaya işləməyə çağırıb.
Ustalar borc tapıb yol pulu edib Moskvaya gediblər. Onları Moskvadan 30
kilometr kənarda, Odincovo rayonu Mitkino kəndində meşə zolağında yerləşən
tikinti ərazisinə aparıblar. 15 gün işlədikdən sonra pul tələb edən ustalar pul
almadıqlarına görə işlərini dayandırıb. Sonra təzyiqlərə məruz qalıblar. Onlara omon və reketlərlə hədə qorxu gəlib işlərini davam etdirməyi tələb ediblər. Elvin
və Rahib öz mühafizəçilərinin iştirakıyla ustaların bir neçəsini döyüb xəsarət
yetiriblər və ağır söyünclərlə təhqir ediblər.
Məlumatda deyilir ki, ustalara "bura
kriminal Rusiyadır, sizi öldürüb qanınızı batırarıq",-deyə təhdid ediblər. Qardaşlardan Elvin Musayev
dəfələrlə tikinti yerinə gəlib ustaların üzərinə pistolet tutub və "o yan bu yan
edəni yerindəcə güllələyəcəyəm" deyib. Ustaların üstünə idmançı ruslardan
mühafizə qoyublar ki, məcbur işləsinlər.
Ustalar deyir ki, biz özümüzü düşmən əsirliyindəki kimi hiss edirdik. Çox qorxurduq. Hətta iş bitəndən sonra bizi
öldürüb meşədə basdıra bilərlər fikirləri hər an bizi qorxuda saxlayırdı. Biz
yalvarırdıq ki, ailəmiz uşağımız var, bizi öldürməyin nə istəsəniz edərik. Sonra
bir neçə usta gecəylə pəncərədən düşüb qaça bilib. Meşəylə gəlib yola çıxıblar.
İş qurtarandan sonra ustaları buraxıblar heç yol puluda verməyiblər.
Ustalar bildirir ki, öz millətimizin nümayəndələri tərəfindən
belə bir vəziyyətə düşəcəyimizə inanmazdıq. Erməni bizə bunu etməzdi
özümüzünkülər etdi. Orada başqa millətlərdən olan ustalar bizə bildirdilər ki,
onlarda 3 aydan çox işləsələr də pullarını ala bilmirlər. Bu işlərin
başında dayanan İlqar Hacıyev adlı Akkord şirkətinin Rusiyadakı prezidentidir. Deyilənə
görə İlqar Hacıyev əvvəllər Akkardun Azərbaycanda prezidenti olub. Ustalar bildirir ki, özümüzə vəkil tutmuşuq bu
günlərdə ərizələri yığıb baş prokurorluğa və ölkə başcısı cənab İlham Əliyevə
müraciət etməyə hazırlaşırıq. Rusiyanın Bakıdakı səfirliyinə və rusiyada FSB yə
rəsmi müraciət edəcəyik. Ustalar bildirir ki, "gördükləri iş kvadrata vurulsa hər
bir usta orta hesabla 2000 manatdan 5000 manatadək maddi zərər dəyməklə yanaşı
həm də mənəvi zərər dəyib. 3 ay çölün düzündə təzyiq və qorxu altında yarı ac
yarı tox yaşayıblar. Özünüz hesablayın 150 min manat bizə pul verəsidilər. Biz
hüquqlarımızın bərpa olunması üçün sona qədər gedəcəyik".
Qarşı tərəf də münasibət bildirə bilər.
Qeyd: Yazıda adları çəkilən şəxslərdən Cümşüd Musayevin telefonuna zəng edib münasibət öyrənməyə çalışsaq da Cümşüd Musayev zənglərimizə cavab vermədi.
Qlobal.az
